ఆన్ లైన్ లోనే డాక్యుమెంట్లు రూపొందించుకోండి!

DOC పైళ్లని రూపొందించడానికి MS-Word , ఎక్సెల్ స్ర్పెడ్ షీట్ల రూపకల్పనకు MS-Excel సాప్ట్ వేర్ మన కంప్యూటర్లో ఇన్ స్టాల్ చేయబడి ఉండాలన్న విషయం అందరికీ తెలిసిందే! అయితే ఇప్పుడు ఆ అవసరం లేదు.. మీకు నెట్ కనెక్షన్ ఎల్లప్పుడూ అందుబాటులో ఉంటే నేరుగా www.ajax13.com/en అనే వెబ్ సైట్ కి వెళ్లండి. ఆ సైట్లో Word, Excel, Sketch, Tunes, Presents వంటి ప్రోగ్రాములు, ajaxOS అనే ఆన్ లైన్ ఆపరేటింగ్ సిస్టం లభిస్తాయి. ajaxWrite అనే ఆప్షన్ ని ఎంచుకోవడం ద్వారా నేరుగా మీ కంప్యూటర్లోని ఇంటర్నెట్ ఎక్స్ ప్లోరల్/ ఫైర్ ఫాక్స్ బ్రౌజర్లోనే MS-Word మాదిరిగా విండో ఓపెన్ అవుతుంది. అందులో మనం వర్డ్ డాక్యుమెంట్లని ఎలా డిజైన్ చేస్తామో అదే మాదిరిగా డాక్యుమెంట్లని రూపొందించుకుని File>Save As ఆప్షన్ ద్వారా ఆయా డాక్యుమెంట్లని మన కంప్యూటర్లో సేవ్ చేసుకోవచ్చు. IE7 లో ఈ ఆన్ లైన్ అప్లికేషన్ ఓపెన్ అవడం లేదు ఒక్కోసారి! పైర్ ఫాక్స్ లో ప్రయత్నించండి. Google Docs&Spreadsheets అనే ఆన్ లైన్ ప్రోగ్రాం ని కూడా ప్రయత్నించవచ్చు.