29, నవంబర్ 2008, శనివారం

ఫోన్ నీళ్ళలొ తడిచిందా. ఇలా చేయండి !..

జేబులో పెట్టుకున్న ఫోన్ క్రిందికి వంగినప్పుడు నీళ్ళలో పడడం వంటి సంఘటనలు అనేకసార్లు

జరుగుతుంటాయి. మీ విషయంలోనూ ఇలా జరిగినట్లయితే వీలైనంత వరకూ ఒక నిముషం

లోపలే వేగంగా బ్యాటరిని తీసేయండి. బ్యాటరీకి తేమ కలవడం వల్ల షార్ట్ సర్క్యూట్ అయ్యే

ప్రమాదం ఉంది ఆ తర్వాత మీ దగ్గరలొ ఉన్న సెల్‍ఫోన్ టెక్నిషియన్ ఎవరైనా ఉన్నట్లయితే

మీ ఫోన్‍ని అతని వద్దకు తీసుకువెళ్ళి దానిని పూర్తిగా డీ అసెంబుల్ చేయించి లోపలి భాగాలు

ఆరేవరకు వేచి ఉండాలి. ఒకవేళ మీరే డీఅసెంబుల్ చేయగలిగిన నైపుణ్యం ఉన్నట్లయితే అలాగే

డీఅసెంబుల్ చేసి 60W లైట్ కాంతి నేరుగా ఆయా అంతర్గత భాగాలపై ప్రసరించేలా కొద్దిసేపు

ఉంచండి. దీంతో చిప్‍ల క్రిందకు చేరిన తేమ ఏదైనా ఉంటే ఆవిరైపోతుంది. ఇప్పుడు మళ్ళీ అన్ని

భాగలను అసెంబుల్ చేసి బ్యాటరీని యధాస్థానంలో ఉంచేయవచ్చు.

ఫోన్ యొక్క డీఫాల్ట్ అత్యవసర నెంబర్ ……..

మీరు ఏదొ మారుమూల ప్రదేశం వెళ్ళారు. అక్కడ మీకు ఏదైనా ప్రమాదం ఏర్పడితే దాని గురించి

తెలియజేయాలంటే మీ సెల్‍ఫోన్ సిగ్నల్ లభించడం లేదనుకోండి. చింతించవలసిన పనిలేదు. మీ

సెల్ ఫోన్ పై 112 అనే నెంబర్‍ని ప్రెస్ చేయండి. వెంటనే మీ ఫోన్ ఆ ప్రాంతంలో అందుబాటులొ

ఉన్న ఏదైన ఇతర మొబైల్ నెట్‍వర్క్ కి మీ కాల్‍ని కలపడానికి ప్రయత్నిస్తుంది. ఈ నెంబర్

ప్రపంచవ్యాప్తంగా ఒకటే ఉంటుంది. ఫోన్ కీప్యాడ్ లాక్ చేసి ఉన్నప్పుడు కూడా ఈ నెంబర్

ప్రెస్ చేస్తే కాల్ వెళుతుంది.

ఉచితంగా లభించే సిడి రైటింగ్ సాఫ్ట్ వేర్

సిడిలను డివిడిలను రైట్ చేయ్యడానికి మనమందరం ఉపయోగించే Nero Expressవంటి సాఫ్ట్ వేల్లు ఆయా CD/DVD రైటర్లతో పాటు OEM వెర్షన్‍గా ఉచితంగా అందించబడుతున్నాయి. కానీ విడిగా అయితే అవి ఉచితమైనవి కావని మీకు తెలిసే ఉంటుంది. ఈ నేపధ్యంలో ఒకవేళ మీరు పూర్తిగా ఉచితంగా లభించే సిడి/డివిడి రైటింగ్ సాఫ్ట్ వేర్ కోసం వెదుకుతున్నట్లయితే Burn Aware Free Edition వాడుకోవచ్చు. దీని ద్వారా CD/DVD లతో పాటు Blu-Ray ( BD-R/BD-RE ) డిస్కులను సైతం (మీ వద్ద ఆ రైటర్ ఉన్నట్లయితే ) రైట్ చేసుకోవచ్చు. డిస్క్ ఇమేజ్‍లను క్రియేట్ చెసుకోవడం, డిస్క్ టు డిస్క్ కాపీయింగ్ వంటి అన్ని సదుపాయాలు అందిస్తుందిది.

వర్డ్ లో రీసెంట్ ఫైల్ లిస్ట్ ని క్లియర్ చెయ్యడానికి

SNAG-0000

Wordలో File మెనూలో ఇంతకముందు మనం ఓపెన్ చేసిన ఫైళ్ల వివరాలు చూపించబడుతుంటాయి. అలా కన్పిస్తున్న రీసెంట్ ఫైళ్ల వివరాలు తొలగించదలుచుకున్నట్లయితే Tools>Options>General అనే విభాగంలో Recently used file list అనే బాక్స్ వద్ద 0 అని సెట్ చేస్తే పాత ఫైళ్ల వివరాలు క్లియర్ అవుతాయి. లేదా మీ వద్ద System Mechanic వంటి సాఫ్ట్ వేర్లు ఉన్నట్లయితే వాటిల్లోనూ Word ఫైల్ హిస్టరీని క్లియర్ చేసే ఆప్షన్ ఉంది.

మే 25 సమావేశ నివేదిక

తేదీ మే 25, 2008, ఆదివారం
స్థలం: కృష్ణకాంత్ పార్క్, యూసఫ్ గూడ బస్తీ దగ్గర, హైదరాబాద్

హాజరైన సభ్యులు:
1. ఎన్.కె. కిషోర్
2. పి. మౌర్య (నెల్లూరు నుండి వచ్చారు)
3. ఎ. బాలకృష్ణ
4. అడపా రమేష్
5. బి. హనుమాన్ కుమార్
6. పి. శ్రీనివాస్
7. ఎ. ఉదయభాస్కర్
8. కె.జె. సాయిరాం
9. ఎన్.ఎస్. శ్రీనివాస్
10. ఎం. భాస్కర్
11. జి. శ్రీనివాస్
12. ఎ. రహీంఖాన్
13. ఆర్. రమణరాజు
14. జి. శ్రీనివాసరావు
15. నల్లమోతు శ్రీధర్

ఛాధర్ ఘాట్ నుండి శ్రీనివాస్ గారు సన్ స్ట్రోక్ వల్ల రాలేకపోయానని మెసేజ్ పంపారు, అలాగే సాయిచరణ్ గారు కూడా అనారోగ్యం వల్ల మీటింగ్ కి హాజరు కాలేకపోయారు.

నేపధ్యం: అసలు నేను మీటింగ్ కి హాజరుకాగలుగుతానో లేదో అన్న సందేహంతో జరిగిన మీటింగ్ ఇది. గత పదిరోజులుగా ఊపిరి సలపనివ్వని మేగజైన్ వత్తిడిలో.. సరిగ్గా మీటింగ్ జరగడానికి రెండు గంటల ముందు ఒంటి గంట ప్రాంతంలో జూన్ 2008 కంప్యూటర్ ఎరాని ప్రింటింగ్ కి పంపించి హడావుడిగా ఉరుకులు పరుగులతో నల్లకుంట నుండి మీటింగ్ స్పాట్ కి చేరుకోగలిగిగాను. ఇలా పూర్తిగా మేగజైన్ లో నిమగ్నమై ఉండడం వల్ల అసలు ఈ మీటింగ్ గురించి ఈసారి అటు ఫోరంలోనూ, బ్లాగులోనూ, ఛాట్ రూమ్ లోనూ అనౌన్స్ చెయ్యలేదు. ఇలా ఎలాంటి సమాచారం అందక మీటింగ్ మిస్ అయిన వారు దయచేసి మన్నించగలరు. లాస్ట్ మినిట్ వరకూ మీటింగ్ కి నేను టైమ్ కి హాజరుకాగలుగుతానో లేదో అన్న సంశయం.. నేను లేకపోయినా మీటింగ్ ని నిర్వహించడానికి ఏక్టివ్ సభ్యులు ఎవరూ అందుబాటులో లేకపోవడం వల్ల కావాలనే ఈ మీటింగ్ గురించి ఎక్కడా అనౌన్స్ చేయలేదు.

ఈసారి మీటింగ్ కి అధికశాతం మంది కొత్త సభ్యులే వచ్చారు. అందరూ చాలా ఉత్సాహంగా పార్టిసిపేట్ చేశారు. ముందుగా కొత్త సభ్యులకు టెక్నికల్ నాలెడ్జ్ షేరింగ్ విషయమై మనందరం చేస్తున్న కార్యకలాపాల గురించి వివరించడం జరిగింది. మన లక్ష్యంలో ఒక భాగంగా ప్రస్తుతం నిర్వహిస్తున్న ఫోరం, ఛాట్ రూమ్ గురించి వివరించడంతోపాటు అందులో వీలైన సమయంలో వీలైన వాళ్లందరూ ఏక్టివ్ గా పార్టిసిపేట్ చెయ్యమని అభ్యర్థించడం జరిగింది. నెట్ అందుబాటు ఉన్నవారందరూ తాము కంట్రిబ్యూట్ చేయడానికి సంసిద్ధత ప్రకటించారు. ఈ సందర్భంగా మీటింగ్ కి హాజరుకాలేకపోయిన వారందరికీ కూడా ఒక విన్నపం. మనం ఓ ఉన్నత లక్ష్యంతో పనిచేస్తున్నాం. ఇది రాత్రికి రాత్రి సాకారమయ్యేది కాదు.. మనం చేసే కంట్రిబ్యూషన్ కి ఎలాంటి ప్రతిఫలాన్ని ఆశించకుండా నూటికి నూరుశాతం చిత్తశుద్దితో మన పని మనం చేసుకుంటూ వెళితే అది మరెందరికో ప్రయోజనకరంగా ఉంటుంది.
ఇక్కడ ఒక్క విషయం స్పష్టంగా చెప్పదలుచుకున్నాను. మనం ఎంతమందిమి ఉన్నాం అన్నది ముఖ్యం కాదు. నా దృష్టిలో ఒక్కో వ్యక్తి ఒక్క శక్తి లాంటి వారు. ఎలాంటి ప్రతిఫలాపేక్ష లేకుండా సేవా దృక్ఫధంతో మనం వెచ్చించే ఎంత కొద్ది సమయమైనా నూటికి నూరుశాతం చిత్తశుద్దితో కమిట్ మెంట్ తో స్పెండ్ చేద్దాం. నిన్న మొన్నటి వరకూ ఎవరమూ ఒకరికొకరం తెలియదు. ఇప్పుడు మనమంతా ఓ మంచి టీమ్ లా తయారయ్యాం. రేపు మరికొందరు వచ్చి కలుస్తారు. ఇప్పుడు ఉన్న వాళ్లలో కొందరు వృత్తి ఉద్యోగాల్లో బిజీ అయి కొంతకాలం క్రియాశీలకంగా ఉండలేకపోవచ్చు. మళ్లీ వచ్చి కలుస్తుంటారు. ఇది ఆన్ గోయింగ్ ప్రాసెస్. మనం ఆలోచనా విధానం.. మనం ఒక్కళ్లం ఉన్నా, పదిమందిమి ఉన్నా, వందమందిమి ఉన్నా.. మనం చేసే పని అంత కమిట్ మెంట్ తో చేయగలిగేలా ఉండాలి. ఇతరులతో పోల్చుకోవడం, కొత్త సభ్యులు వస్తున్నారు, పోతున్నారు మనమెందుకు కంట్రిబ్యూట్ చేయాలి అన్న తరహా ఆలోచనా విధానం సరైనది కాదు. ఏ పని చేసినా చిత్తశుద్ధితో చేద్దాం. ఫోరంలో ఐదు నెలల్లోనే దాదాపు 4వేల గొప్ప పోస్టులు పోగుపడ్డాయంటే.. ఒక ప్రసాద్ గారు, సాయిచరణ్ గారు, రాము గారు, జాహ్నవి గారు, స్వామి గారు, గిరిచంద్ గారు, వాణి గారు, అశ్విన్ గారు, జ్యోతి గారు, వెంకట్ గారు.. ఇలా అనేకమంది ఎలాంటి స్వార్థం లేకుండా కష్టపడబట్టే కదా.. ఇత విలువైన సమాచారం అందరికీ అందుబాటులో ఒక చోట గేదర్ అయింది. వారికి ప్రేరణ ఎవరు? లీడర్ ఎవరినీ చూసి అనుకరించరు. ఒక వ్యక్తి లీడర్ అయ్యాడంటే తాను చేసే పని తాను ఎంతో చిత్త శుద్దితో చేయబట్టే ఆ స్థాయికి ఎదగలుగుతారు. నిజంగా వీళ్లంతా నిజమైన లీడర్లు. మనమందరి కాన్షస్ లెవల్ కూడా ఇతరులు రాసినది చదివి వెళ్లిపోవడం అని కాకుండా మన వంతు మనం మన స్వంతంగా బాధ్యత తీసుకుని కంట్రిబ్యూట్ చేస్తూ వెళదాం.

మీటింగ్ లో చర్చించబడిన అంశాలు: కంప్యూటర్ నాలెడ్జ్ ని పదిమందికీ షేర్ చెయ్యడం విషయంలో ఇప్పుడు మనం చేస్తున్న కార్యకలాపాలు, భవిష్యత్ లో ఎలాంటి అంశాలు చేస్తే బాగుంటుంది అనే విషయాన్ని అందరి ముందూ ఉంచడం జరిగింది. అందరూ చాలా చక్కని సలహాలు తెలియజేశారు. ముఖ్యంగా తమ సర్కిల్ లో వీలైనంత ఎక్కువమందికి మన ఫోరం, ఛాట్, మన లక్ష్యాలను పరిచయం చేస్తామని హాజరైన వారందరూ వెల్లడించారు. అలాగే తమకు వీలైన సమయంలో ఫోరం, ఛాట్ లలో వచ్చి స్పెండ్ చేయడానికి సమ్మతం తెలియజేశారు. ఇకపోతే రమణరాజు అనే సభ్యుడు ఓ మంచి సూచన చేశారు. ఏదో ఒక కంప్యూటర్ కోర్స్ చేసి జాబ్ లో సెటిల్ అవుదామని ఊళ్ల నుండి చాలామంది ఇంజనీరింగ్, ఇతర పట్టభద్రులు వస్తుంటారు.. వాళ్లకు అసలు ఏం చెయ్యాలో, ఏం కోర్స్ చేస్తే బెటర్ ఫ్యూచర్ ఉంటుందో, ఐ.టి. ఫీల్డ్ లో నిలదొక్కుకోవడానికి ఎలాంటి క్వాలిటీస్ పెంపొందించుకోవాలో, ఏ ఇనిస్టిట్యూట్ బాగుంటుందో.. ఇలా ప్రతీదీ సందేహమే ఉంటుంది. అలాంటి అన్ ఎంప్లాయిడ్ యూత్ కి మేగజైన్ తరఫున ఓ చిన్న మీటింగ్ అరేంజ్ చేసి మనలో ఫీల్డ్ పై అవగాహన ఉన్నవారు బేసిక్ గైడ్ లైన్స్ అందిస్తే బాగుంటుంది కదా అనే ప్రపోజల్ చేశారు. చాలా గొప్ప ఆలోచన ఇది. ఒక వ్యక్తి కెరీర్ లో స్థిరపడడానికి ఓ చిన్న సలహా అయినా మనం ఇవ్వగలిగితే అంతకన్నా వారికి మనం ఇవ్వదగ్గ ప్రోత్సాహం ఏదీ ఉండదేమో. జూలై 2008 కంప్యూటర్ ఎరాలో ఈ విషయాన్ని అనౌన్స్ చేస్తాను.. మీటింగ్ డేట్ ఫిక్స్ చేసి! ఐ.టి. ఫీల్డ్ లో ఇప్పటికే స్థిరపడిన ఆత్మీయులు, సన్నిహితులకు నా మనవి ఏమిటంటే.. దయచేసి ఒక్క రోజు ఒక్క గంట పాటైనా మీ సమయం వీలుచేసుకుని ఇటువంటి ఉద్యోగార్థులకు మీకు తెలిసిన పరిశ్రమ పోకడల గురించి గైడెన్స్ ఇవ్వడానికి మీకు మీరు స్వచ్ఛంధంగా ముందుకు వస్తే మన టీమ్ చాలా సంతోషిస్తాం. ఇంజనీరింగ్ కౌన్సెలింగ్, జాబ్ ఫెయిర్లు జరిగేచోట్ల మన వెబ్ లింకులతో కూడిన చిన్న బ్యానర్ ఏర్పాటు చేస్తే బాగుంటుంది అనే సూచన ఒకటి వచ్చింది. ఎవరైనా ఒకరిద్దరు సభ్యులు నాకు ఫిజికల్ గా సహకారం అందిస్తే ఖచ్చితంగా ఈ సూచనని వెంటనే ఆచరణలో పెడదాం.
ఎన్నో వ్యయప్రయాలకు ఓర్చి, దొరికిన ఒక్క ఆదివారపు సాయంత్రాన్ని సైతం త్యాగం చేసి మీటింగ్ కి హాజరైన సభ్యులందరికీ పేరుపేరునా ధన్యవాదాలు. ముఖ్యంగా ఎండవేడిమి అందరినీ ఎంతో ఇబ్బంది పెట్టింది. దీనిని దృష్టిలో ఉంచుకుని ఇకపై మీటింగులను 5 గంటలకు ప్రారంభిద్దామని నిర్ణయించడం జరిగింది. జూన్ 2008 కంప్యూటర్ ఎరాలో పొరబాటున 3 గంటలకే తదుపరి మీటింగ్ అని రాయడం జరిగింది. కానీ మీటింగ్ 5 గంటలకు నిర్వహించబడుతుంది. అలాగే జూన్ నెల మీటింగ్ జూన్ 15వ తేదీ ఆదివారం, సాయంత్రం 5 గంటలకు కృష్ణకాంత్ పార్క్, యూసఫ్ గూడ బస్తీ దగ్గర నిర్వహించబడుతుంది. వీలైన వారందరూ గుర్తుంచుకుని హాజరు కాగలరు. మీటింగ్ ఫొటోలను కవర్ చేసిన కిషోర్ గారికి, మౌర్య గారికి ధన్యవాదాలు. మీటింగ్ అయిన తర్వాత రాత్రి 9 గంటల వరకూ కూర్చుని ఎక్కువ రిజల్యూషన్ ఉన్న ఆ ఫొటోలను రీసైజ్ చెయ్యడం విషయంలోనూ, వీడియోని అప్ లోడ్ చేయడం విషయంలోనూ శ్రమించిన కిషోర్ గారికి ధన్యవాదాలు.

- నల్లమోతు శ్రీధర్
26, మే, 2008
11.54AM.

40కి పైగా ఉన్న ఈ మీటింగ్ యొక్క ఫొటోలను ఓ pdf ఫైల్ రూపంలో క్రింది లింకులో పొందుపరచడం జరిగింది. ఈ లింకుని క్లిక్ చేయడం ద్వారా ఆ ఫొటోలన్నింటినీ చూడవచ్చు.

http://www.scribd.com/doc/3103086/MAY252008-th-meeting

సిస్టమ్ వనరులను ప్రాసెస్‍లు హరిస్తున్నాయా?

మీ కంప్యూటర్‍లో ఏవి బడితే అవి భారీ సంఖ్యలొ ప్రాసెస్‍లు రన్ అవుతూ మీ సిస్టమ్ పనితీరుని నెమ్మదింపజేయడంతో పాటు సిస్టమ్ క్రాష్ అవడానికి దారి తీస్తున్నాయా ? అయితే మీరు Process Lasso అనే చిన్న సాఫ్ట్ వేర్ మీ కంప్యూటర్లో ఇన్‍స్టాల్ చేసుకోండి. ఈ సాఫ్ట్ వేర్ సిస్టమ్ ట్రేలో రన్ అవుతున్న ప్రతీ ప్రాసెస్‍ని నిశ్శబ్దంగా మోనిటర్ చేస్తూ ఏదైనా ప్రాసెస్ 35% కన్నా ఎక్కువ CPU cycle ని హరిస్తుంటే దాన్ని kill చేస్తుంది. అలాగే రన్ అవుతున్న అన్ని ప్రాసెస్‍ల వివరాలూ నమోదు చేస్తుంది.

మీ ఫోటోలను ఇతరులతో షేర్ చేసుకోవాలంటే..

ఆనందకరమైన సందర్భాలను కెమెరాలో బంధించుకుని విదేశాల్లో, సుదూర ప్రాంతాల్లో ఉన్న మీ ఆత్మీయులతో షేర్ చేసుకోవాలనిపించడం సహజం. దీనికి పెద్ద కంప్యూటర్ పరిజ్ఞానం అవసరం లేదు. ముందు మీ డిజిటల్ కెమెరాని మీ పిసికి కనెక్ట్ చేసి మీ కెమెరాలోని ఫోటోలన్నింటిని పిసిలోకి బదిలీ చేసుకోండి. ఇప్పుడు వాటిని ఇంటర్నెట్‍కి అప్‍లోడ్ చేయడం చాలా సులభం. ఇంటర్నెట్‍లో అనేక ఫోటోషేరింగ్ వెబ్‍సైట్లు లభిస్తున్నాయి. flickr అనే సైట్‍ని ఓపెన్ చేయండి. అందులోకి ప్రవేశించగానే Create your account అనే బటన్ ఉంటుంది . దాన్ని క్లిక్ చేయండి. ఈ వ్యాసం మొదట్లొ చెప్పిన ప్రకారం మీరు ఇప్పటికే యాహూ మెయిల్ అకౌంట్‍ని క్రియేట్ చేసుకున్నారు కదా ! ఆ యాహూ అకౌంట్‍తొ నేరుగా Flickr లో ఉచిత అకౌంట్ సృష్టించుకోవచ్చు. తర్వాత మీ కంఫ్యూటర్లో ఉన్న ఫోటోలను ఆ సైట్‍లోకి అప్‍లోడ్ చేసుకుని Send an invite to Flickr అనే బటన్‍ని ఉపయోగించి మీ ఆత్మీయులకు వారి మెయిల్ అడ్రస్‍కి ఇన్విటేషన్ పంపించవచ్చు. వారు మీ ఫోటోలను Flickr లోకి వచ్చి చూడగలుగుతారు. Flickr మాదిరిగానే Photobucket, Zommr, Phanfare, Snapfish, Webshots, Smugmug, Woophy వంటి అనేక ఫోటొ షేరింగ్ సర్వీసులు లభిస్తున్నాయి.

ఒక ఫార్మేట్‍ నుండి మరో ఫార్మేట్‍కి చాలా ఈజీ

VOB ఫైళ్లని 3GP ఫైళ్లుగా కన్వర్ట్ చేసుకోవాలంటే ఏ సాఫ్ట్ వేర్ వాడాలి, MOV to AVI కన్వర్షన్‍కి ఏమి వాడాలి అంటూ అందరికీ సందేహాలు వస్తుంటాయి. మీరు కన్వర్ట్ చేసుకోవలసిన ప్రతీదానికి వేర్వేరు సాఫ్ట్ వేర్లని ఇన్‍స్టాల్ చేసుకోవలసిన అవసరం లేకుండా zamzar అనే వెబ్‍సైట్‍లో మీరు ఒక ఫార్మేట్ నుండు మరో ఫార్మేట్‍కి మీ ఫైళ్ళు ఉచితంగా కన్వర్ట్ చేసుకోవచ్చు. ముందుగా మన ఫైళ్ళని అప్‍లోడ్ చేయాలి. అవి కన్వర్ట్ చేయబడి మన e-మెయిల్ అడ్రస్‍కి పంపబడతాయి. అయితే 100MB ఫైల్ సైజ్ దాటకూడదు. అదే ప్రీమియమ్ యూజర్లు 1GB సైజ్ గల ఫైళ్లని సైతం కన్వర్ట్ చేసుకోవడానికి వీలు కల్పించబడుతుంది. ఓసారి మీరూ ప్రయత్నించండి.

ఉచిత సిడి/డివిడి/బ్లూ - రే రైటింగ్ సాఫ్ట్ వేర్

సిడిలను డివిడిలను రైట్ చేయ్యడానికి మనమందరం ఉపయోగించే Nero Expressవంటి సాఫ్ట్ వేర్లు ఆయా CD/DVD రైటర్లతో పాటు OEM వెర్షన్‍గా ఉచితంగా అందించబడుతున్నాయి. కానీ విడిగా అయితే అవి ఉచితమైనవి కావని మీకు తెలిసే ఉంటుంది. ఈ నేపధ్యంలో ఒకవేళ మీరు పూర్తిగా ఉచితంగా లభించే సిడి/డివిడి రైటింగ్ సాఫ్ట్ వేర్ కోసం వెదుకుతున్నట్లయితే Burn Aware Free Edition వాడుకోవచ్చు. దీని ద్వారా CD/DVD లతో పాటు Blu-Ray ( BD-R/BD-RE ) డిస్కులను సైతం (మీ వద్ద ఆ రైటర్ ఉన్నట్లయితే ) రైట్ చేసుకోవచ్చు. డిస్క్ ఇమేజ్‍లను క్రియేట్ చెసుకోవడం, డిస్క్ టు డిస్క్ కాపీయింగ్ వంటి అన్ని సదుపాయాలు అందిస్తుందిది.

డిస్పోజబుల్ చాట్ రూమ్ తయారుచేసుకోండి…

వేర్వేరు దేశాల్లొ, వేర్వేరు ప్రదేశాల్లో నివసిస్తున్న మీ స్నేహితులంతా ఒకేచోట ముచ్చటించుకోవాలనుకుంటున్నారా? అయితే కొద్దిసేపు మీకంటు ఓ చాట్ రూమ్ సృష్టించుకోవచ్చు కదా! ఆ వెబ్‍సైట్‍లో create a chat room (chat room name) అని కన్పించే బాక్స్ లో మీరు ఆ చాట్ రూమ్‍కి ఏ పేరు పెట్టాలనుకుంటున్నారో ఆ పేరుని ఇవ్వండి. వెంటనే ఆ క్రిందనే మీరు పేర్కొన్న పేరుతో ఓ తాత్కాలిక చాట్‍రూమ్ ప్రారంభించబడి దాని లింక్ ప్రత్యక్షమవుతుంది. ఇప్పుడు మీరు ఆ లింక్‍ని ఓపెన్ చేస్తే ఓ చాట్ విండో వచ్చేస్తుంది. ఇక మీరు చేయవలసినదల్లా , Gmail, Yahoo Messenger వంటి వాటిలో ప్రస్తుతం ఆన్‍లైన్‍లో మీకు అందుబాటులో ఉన్న మీ స్నేహితులందరికీ ఆ చాట్‍రూమ్ లింక్‍ని పంపించి వెంటనే వచ్చేయమని ఆహ్వానించడమే ! అందరూ వచ్చిన తర్వాత తీరిగ్గా ముచ్చటించుకోవచ్చు.

ఫైర్‍ఫాక్స్ టాబ్‍ల క్రమాన్ని మార్చుకోవడం …….

Internet Explorer కన్నా స్థిరంగా పనిచేస్తుండడం మూలంగా చాలామంది పిసి యూజర్లు ఇటీవలి కాలంలో firefox బ్రౌజర్‍ని ఉపయోగిస్తున్నారు. ఫైర్‍ఫాక్స్ ని మన అవసరాలకు అనుగుణంగా కస్టమైజ్ చేసుకోవడానికి అనేక అవకాశాలు లభిస్తున్నాయి. అలాగే బ్రౌజర్ ద్వారానే అన్ని పనులూ నెరవేర్చుకోగలిగేలా ఫైర్‍ఫాక్స్ విషయంలో అనేక ధర్డ్ పార్టీ ఉచిత add-on లూ లభిస్తున్నాయి. అసలు విషయానికి వస్తే మీరు ఫైర్‍ఫాక్స్ బ్రౌజర్‍ని ఉపయోగిస్తూ, ఒకే విండోలో ఒకదాని తర్వాత ఒకటి దాదాపు ఓ పదో పన్నెండో వెబ్‍సైట్లని ఓపెన్ చేశారనుకుందాం. ఇలా ఓపెన్ చేసేటప్పుడు మనం కొత్తగా వేరే టాబ్‍లో ఓపెన్ చేసే వెబ్‍సైట్ ప్రస్తుతం ఉన్న టాబ్‍కి ప్రక్కనే కొత్త టాబ్‍లొ ఓపెనవుతుంది. ఒకవేళ ఇలా ఓపెన్ చేయబడి ఉన్న టాబ్‍లు మీకు నచ్చిన క్రమంలో అమర్చబడి లేకపోతే వాటిని ముందుకూ వెనుకకూ కూడా రీఅరేంజ్ చేసుకోవచ్చు. అదెలాగంటే ఏ టాబ్‍నైతే మీరు మూవ్ చేయాలనుకుంటున్నారో దాన్ని క్లిక్ చేసి కావలసిన దిశలో డ్రాగ్ చేయండి.

చాలా తక్కువ సైజ్ గల వర్డ్ ప్రాసెసర్…


విండోస్ ఆపరేటింగ్ సిస్టమ్‌లోని Wordpad మాదిరిగా కేవలం 2.59 MB పరిమాణం కలిగి ఉండి Jarte అనే వర్డ్ ప్రాసెసర్ RTF, DOC తో సహా తాజా Word 2007 యొక్క DOCX ఫైళ్ళని సైతం ఓపెన్ చేయగలుగుతుంది. నేరుగా పెన్ డ్రైవ్ నుండే రన్ చేసుకోగలిగే ఈ ప్రోగ్రామ్ శక్తివంతమైన డిక్షనరీతో కూడిన స్పెల్ చెకర్ పొందుపరచబడడంతోపాటు ఈ ప్రోగ్రామ్‌లో రూపొందించుకున్న ఫైళ్ళని HTML, PDF ఫార్మేట్లలోకి కన్వర్ట్ చేసుకోవడానికి కూడా వీలుంది. డాక్యుమెంట్లని ఎడిట్ చేసే సమయంలో నచ్చిన విధంగా జూమ్ చేసుకోవచ్చు. టెంప్లేట్లని సపోర్ట్ చేస్తుంది. Firefox, IE మాదిరిగా ఒకేసారి వేర్వేరు టాబ్‌లలొ పలు డాక్యుమెంట్లని ఓపెన్ చేసి ఎడిట్ చేసుకోవచ్చు ఓ రకంగా Wordpad కి ఎక్కువ Word కి తక్కువా ఈ ప్రోగ్రామ్!

నెట్ ద్వారా టివి చానెళ్ళని ఉచితంగా చూడొచ్చు…

ఇంటర్‌నెట్ కనెక్షన్ ఉంటే ప్రపంచవ్యాప్తంగా ప్రసారం అవుతున్న అనేక ఉచిత టెలివిజన్ చానెళ్ళని మన కంప్యూటర్ స్క్రీన్ మీదే వీక్షించడానికి “JLC Internet TV” అనే ప్రోగ్రామ్ వీలు కల్పిస్తుంది. చాలా తక్కువ పరిమాణం గల ఈ ప్రోగ్రామ్‌ని డౌన్‌లోడ్ చేసుకుని ఇన్‌స్టాల్ చేసుకున్న తర్వాత అది నెట్‌కి కనెక్ట్ అయి ప్రస్తుతం లభిస్తున్న చానెళ్ళ వివరాలను అప్‌డేట్ చేసుకుంటుంది. ఆ తర్వాత దేశాల వారీగా కావల్సిన చానెళ్ళని ఎంచుకుని వీక్షించవచ్చు. కొన్ని చానెళ్ళు Windows Media Player లోనూ, మరికొన్ని Real Player లోనూ ప్లే అవుతుంటాయి. కాబట్టి ఈ రెండు ప్రోగ్రాములు ఉండాలి. దీనిలో DD News, Sun TV వంటి కొన్ని భారతీయ చానెళ్ళూ లభిస్తున్నాయి.

పేజింగ్ ఫైల్‍ని కూడా డీఫ్రాగ్ చేసుకోవచ్చు…


మనం భారీ మొత్తంలో అప్లికేషన్ ప్రోగ్రాములను ఉపయోగిస్తున్నప్పుడు అవన్నీ ఫిజికల్ మెమరీ (RAM) లో పట్టకపోయినట్లయితే విండొస్ ఆపరేటింగ్ సిస్టమ్ హార్డ్ డిస్క్ మీద కొంత ఖాళీ ప్రదేశాన్ని తాత్కాలికంగా RAM మాదిరిగా ఉపయోగించుకుంటుంది. అలా మెమరీ మాదిరిగా ఉపయోగించబడే హార్డ్ డిస్క్ ప్రదేశాన్ని Page File అంటారని మీకు తెలిసే ఉంటుంది.కంప్యూటర్ యొక్క పనితీరు మెరుగుపరుచుకోవాలంటే ఎప్పటికప్పుడు హార్డ్ డిస్క్‌ని డీఫ్రాగ్ చేయడం ఉత్తమమని తెలిసిందే కదా! అయితే సాధారణ పద్ధతుల ద్వారా హార్డ్ డిస్క్‌ని డీఫ్రాగ్ చేసేటప్పుడు కేవలం హార్డ్ డిస్క్‌లోని ఫైళ్ళు, ఫోల్డర్లు, బూట్ సెక్టార్ వంటివి మాత్రమే ప్రభావితం చేయబడతాయి. అసలు డీఫ్రాగ్ చేయకపోవడం కన్నా ఇలా విండోస్ లోని సాధారణ Defrag ప్రోగ్రామ్ ద్వారా హార్డ్ డిస్క్‌ని డీఫ్రాగ్ చేయడం ఉత్తమమే అనుకోండి. కానీ NortonUtilities, O&O Defragmenter వంటి కొన్ని శక్తివంతమైన థర్డ్ పార్టీ డీఫ్రాగ్మెంటేషన్ ప్రోగ్రాములను ఉపయోగించి సిస్టమ్‌ని డీఫ్రాగ్ చేసుకోవడం అన్నింటి కన్నా ఉత్తమం.దీని వల్ల కేవలం హార్డ్ డిస్క్‌లోని సాధారణ భాగాలేకాకుండా ఆపరేటింగ్ సిస్టమ్‌చే page file గా ఉపయోగించబడుతున్న భాగం కూడా డీఫ్రాగ్ చేయబడుతుంది.

సీక్రెట్‌గా టేబుల్ వద్ద మాటలు వినాలా?


మన్మధుడు సినిమాలో టేబుల్ క్రింద ఓ పరికరం అమర్చి అక్కడ ఏం మాట్లాడుకుంటున్నారన్నది నాగార్జున వింటుంటాడు కదా. ఇప్పుడు చెప్పుకోబోయే టెక్నిక్‌ని ఫాలో అయి దాదాపు అదే మాదిరి ఫలితాన్ని మీరూ పొందవచ్చు.ముందు మీ ఫోన్‌లో కాల్ వచ్చిన కొన్ని సెకండ్లకు ఫోన్ ఆటోమేటిక్‌గా ఆన్సర్ చేయబడేలా Auto Answer సదుపాయాన్ని ఎనేబుల్ చేసుకోండి. అలాగే రింగ్ వాల్యూమ్‌ని mute చేయండి. మీ ఇయర్ ఫోన్‌ని మీ ఫోన్‌కి గుచ్చితే దానంతట అదే headset ప్రొఫైల్‌లోకి వెళ్ళిపోతుంది. ఇప్పుడు మీ ఫోన్‌ని ఏ టేబుల్ వద్ద మాటలు వినాలనుకున్నారో ఆ టేబుల్ క్రింద కనిపించకుండా అమర్చండి. ఇప్పుడు బయటకు వచ్చి వేరే ఫోన్ నుండి మీ ఫోన్‌కి కాల్ చేయండి. కొద్ది క్షణాలు రింగ్ అయిన తర్వాత (రింగ్ సౌండ్ బయటకు రాదు) టేబుల్ క్రింద ఫోన్ ఆన్ అయి.. అక్కడ మాట్లాడుకునే మాటలు మీకు వినిపిస్తుంటాయి. సరదాగా ప్రయత్నించి చూడండి. :)

ఫంక్షన్ కీ ప్రెస్ చేయకుండా లోపలికి…

మన కంప్యూటర్ యొక్క మదర్‌బోర్డ్‌పై CMOS బ్యాటరీ అని ఒక బ్యాటరీ పొందుపరచబడి ఉంటుంది. అది BIOS ప్రోగ్రామ్‌లో మనం చేసే సెట్టింగులను సేవ్ చేయడానికి ఉపయోగపడుతుంది.అయితే CMOS బ్యాటరీ వీక్ అయినప్పుడు ప్రస్తుతం ఉన్న హార్డ్‌వేర్ సెట్టింగులు సేవ్ చేయబడక.. డీ్‌ఫాల్ట్ సెట్టింగులకూ, ప్రస్తుతం సిస్టమ్‌లో కనిపించే సెట్టింగులకు (RAM, హార్డ్ డిస్క్, సిడిరామ్ డ్రైవ్‌ల వివరాలు వంటివి) మధ్య వౄత్యాసం కన్పించి కంప్యూటర్‌ని బూట్ చేసే సమయంలో Press F1 to continue మాదిరిగా మెసేజ్ చూపించబడుతుంటుంది. అలాంటప్పుడు ఓ సారి కేబినెట్‌ని విప్పదీసి మదర్‌బోర్డ్‌పై mount చేయబడి ఉండే బ్యాటరీని తొలగించి బయట ఎలక్ట్రానిక్ షాపుల్లో అదే తరహా బ్యాటరీని కొనుక్కొచ్చి మదర్‌బోర్డ్‌పై అమర్చితే సరిపోతుంది. ఒకవేళ బ్యాటరీని మార్చడం ఎలాగో మీకు అవగాహన లేక అలాగే కొనసాగదలుచుకున్నట్లయితే…సిస్టమ్ బూట్ అయ్యే సమయంలో ఓసారి Del కీని ప్రెస్ చేయడం ద్వారా BIOS లోకి వెళ్ళి అందులో కనిపించే వేర్వేరు విభాగాల్లో Wait for Error పేరిట ఏదైనా ఆప్షన్ మీ BIOS వెర్షన్‌లో లభిస్తోందేమో గమనించండి. కనిపిస్తే దానిని డిసేబుల్ చేయండి. దీంతో ఇకపై ఎర్రర్ మెసేజ్ చూపించబడకుండానే నేరుగా హార్డ్‌డిస్క్ నుండి ఆపరేటింగ్ సిస్టమ్ బూట్ చేయబడుతుంది.

DivX ఫార్మేట్ అత్యుత్తమైనది

భారీ పరిమాణం గల వీడియో ఫైళ్ళని సైతం సాధ్యమైనంత వరకూ నాణ్యత లోపించకుండా తక్కువ పరిమాణంలోకి కంప్రెస్ చెయ్యడానికి DivX అనే వీడియో కోడెక్ ఎంతో ఉపయుక్తంగా ఉంటుంది. AVI, MPEG, WMV వంటి అన్ని రకాల ఫైల్ ఫార్మేట్లకు చెందిన ఫైళ్ళని ఈ DivX ఫార్మేట్లోకి కన్వర్ట్ చేసుకోవచ్చు. వీడియో ఫైళ్ళని DivX ఫార్మేట్‌లోకి కన్వర్ట్ చేయ్యడానికి అనేక సాఫ్ట్‌వేర్లు ప్రస్తుతం అందుబాటులో ఉన్నా DivX Converter 6.5 వెర్షన్ అన్నింటికన్నా మెరుగైన ఫలితాలను అందిస్తోంది. MPG, VOB, TS, SVCD ఫైళ్ళని DivX ఫార్మేట్లోకి కన్వర్ట్ చేయాలంటే ఈ కన్వర్టర్ సాఫ్ట్‌వేర్‌కి అదనంగా MPEG-2/DVD ప్లగ్ ఇన్ కూడా అవసరం అవుతుంది. వేర్వేరు వీడియో ఫైళ్ళని ఒకే DivX ఫైల్‌గా మెర్జ్ చేయడానికి కూడా ఇది పనికొస్తుంది.

పిసి నుండే ఫోన్‍ని నియంత్రించడానికి..

Nokia సంస్థ ఇటీవల Nokia PC Phone అనే ఓ సాఫ్ట్‌వేర్‌ని అభివృద్ధి చేసింది.Symbian S60 శ్రేణికి చెందిన Nokia ఫోన్ మీవద్ద ఉన్నట్లయితే దాన్ని USB డేటా కేబుల్ ద్వారా గానీ, బ్లూటూత్ ద్వారా గానీ పిసికి కనెక్ట్ చేసి ఉన్నప్పుడు.. Internet Explorer, FireFox వంటి బ్రౌజర్ ద్వారా ఆ ఫోన్‌ని నియంత్రించుకోవడానికి ఈ అప్లికేషన్ ఉపయోగపడుతుంది. వాస్తవానికి ఈ ప్రోగ్రామ్‌ని FireFox 2.x లేదా IE 7.x బ్రౌజర్ల యొక్క బ్రౌజర్ ఎక్స్‌టెన్షన్‌గా పరిగణించవచ్చు. ఈ సాఫ్ట్‌వేర్‌ని ఇన్‌స్టాల్ చేసిన తర్వాత ఫోన్‌ని మీ పిసికి కనెక్ట్ చేసిన వెంటనే మీ ఫోన్‌లోని కాంటాక్ట్‌లను ఈ సాఫ్ట్‌వేర్ పిసిలోకి స్వీకరించడాన్ని మీరు గమనించవచ్చు. అలాగే మీ ఫోన్‌లో ఇప్పటివరకు స్టోర్ చెయ్యబడి ఉన్న SMSలు, Call list లో వచ్చిన ఇన్‌కమింగ్, ఔట్‌గోయింగ్ కాల్స్ వివరాలు సైతం పిసిలోకి స్వీకరించబడతాయి. అలాగే SMS మేసేజ్‌లను పంపించదలుచుకున్నప్పుడు ఫోన్ యొక్క చిన్న కీ ప్యాడ్ ద్వారా ఇబ్బందులు పడే బదులు, నేరుగా పిసి యొక్క కీబోర్డ్ నుండే టైప్ చేసి మెసేజ్‌లు పంపించుకోవచ్చు. అలాగే నేరుగా మీ పిసినుండే ఫోన్ కాల్స్‌ని చేసుకోవచ్చు. ఫోన్ కాంటాక్ట్ లిస్టులొ కొత్త మెంబర్లని జతచేయాలంటే నేరుగా పిసి నుండే సులభంగా జత చేయవచ్చు. మీ ఫోన్‌కి వచ్చిన కాల్స్‌ని, పిసి నుండే లిఫ్ట్ చేయవచ్చు. కట్ చేయనూవచ్చు.

Archive for May, 2008 అడోబ్ రీడర్ 8 సిపియుని ఎక్కువగా వాడుకుంటుంది


PDF ఫైళ్ళని ఓపెన్ చేయడానికి ఉద్దేశించబడిన Adobe Reader8 వెర్షన్‌తో ఓ ఇబ్బంది ఉంది.వాస్తవానికి Adobe Reader 7 వరకూ అప్‌డేట్లు అవసరం లేకపోతే ఆటోమేటిక్‌గా అప్‌డేట్ అయ్యే సదుపాయాన్ని డిసేబుల్ చేసుకునే అవకాశముంది. అయితే Adobe Reader 8 లో మనం కోరకుండానే adobeupdater.exe అనే అప్‌డేట్ ప్రోగ్రామ్ మనం ఇంటర్‌నెట్‌కి కనెక్ట్ అయినప్పుడు Adobe సైట్‌కి వెళ్ళి తాజా అప్‌డేట్లని డౌన్‌లోడ్ చేస్తుంటుంది. అది సక్రమంగా పనిచేస్తే బాగానే ఉంటుంది. కానీ ఈ adobeupdater.exe ప్రోగ్రామ్ 98% సిపియుని వినియోగించుకుంటూ సిస్టమ్‌ని పూర్తిగా స్లో చేస్తుంది. సో.. ఇలాంటి ఇబ్బందిని మీరు అధిగమించాలంటే Foxit Reader వంటి ప్రత్యామ్నాయ PDF రీడింగ్ సాఫ్ట్‌వేర్లని ఎంపిక చేసుకోవడం ఉత్తమం.

ఫైర్‌ఫాక్స్ వేగంగా పనిచేయడానికి ఓ Add-on


ఇంటర్నెట్ బ్రౌజింగ్‍కి IE బదులుగా ఫైర్‌ఫాక్స్ వాడేవారు Network Pipelining వంటి కొన్ని సెట్టింగులను మార్చడం ద్వారా వేగంగా పనిచేస్తుంది. అయితే వాటిని మేన్యు‍వల్‌గా కాన్ఫిగర్ చేయడం ఇబ్బంది అనుకున్నట్లయితే Fasterfox అనే add-on మీ ఫైర్‌ఫాక్స్ బ్రౌజర్‌లో ఇన్‌స్టాల్ చేసుకోండి. ఇందులో Prefetching, Cache, Rendering ,కనెక్షన్ స్పీడ్, పైప్ లైనింగులకు సంబంధించిన రెడీమేడ్ సెట్టింగులు లభిస్తుంటాయి. వాటిని మీరు కోరుకున్న విధంగా సెట్ చేసుకోవచ్చు.

15, ఏప్రిల్ 2008, మంగళవారం

స్వంత గూటికి ప్రస్థానం

చాలా కాలంగా అనుకుంటూ ఎట్టకేలకు శ్రీధర్ సాంకేతికాలు తన స్వంత గూటికి చేరుకుంది. ఇక మీకు ఇష్టమైన అన్ని పోస్టులు ఇంక అందంగా, మెరుగ్గా ఇవ్వడానికి కృషి చేస్తానని హామీ ఇస్తూ, మిమ్మల్నందరిని సాదరంగా ఆహ్వానిస్తున్నాను. మీ నల్లమోతు శ్రీధర్

13, ఏప్రిల్ 2008, ఆదివారం

సంగీతం సృష్టించడానికో సాఫ్ట్ వేర్


చవులూరించే సంగీతాన్నీ సృష్టించాలనుకుంటే Ableton Live అనే సాఫ్ట్ వేర్ మీకు బాగా ఉపయోగపడుతుంది. వేర్వేరు పరికరాల ఆధారంగా మ్యూజిక్ ని కంపోజ్ చేయడానికి, రికార్డ్, రీమిక్స్ చేయడానికి ఈ సాఫ్ట్ వేర్ వీలు కలిపిస్తుంది.32-bit/192kHz వరకు మల్టీ ట్రాక్ రికార్డింగ్ ని సపోర్ట్ చేయడం తో పాటు టైం స్త్రేచ్చింగ్, రాప్పింగ్ చేయవచ్చు. అనేక స్పెషల్ ఫిల్టర్లను అవసరాన్ని బట్టి అప్లై చేసుకోవచ్చు.

MP 3 పాటలన్నింటి జాబితాను పొందడానికి


మీ హార్డ్ డిస్క్ లో వేర్వేరు సినిమాలకు సంబంధించి వందలకొద్దీ MP3 పాటలు ఉన్నాయనుకోండి. వాటన్నింటి పేర్లతో జాబితా కావాలంటే ప్రతీ సాంగ్ టైటిల్ ని కష్టపడి మళ్ళీ టైప్ చేసుకునే అవసరం లేకుండా MP3 ListMaker అనే సాఫ్ట్ వేర్ ని ఉపయోగించండి. ఇది మనం ఎంచుకున్న డ్రైవ్ ని తనిఖీ చేసి వెదికి పట్టుకున్న MP3 ఫైళ్ళని టెక్స్ట్ ఫైలుగా, లేదంటే వెబ్ పేజీగా రూపొందిస్తుంది. ఒకవేళ ఆ వెబ్ పేజీలో రిజినల్ ఫైలు లొకేషన్ కి లింకులు సైతం పొందుపరచ బడాలన్నా వీలవుతుంది. లేదా వెదికి పట్టుకున్న ఫైళ్ళతో Play List నీ క్రియేట్ చేసుకోవచ్చు.

విండోస్ స్పీడ్ కి ఇవి అవరోధం

ఎంత భారీ కాన్ఫిగరేషన్ కలిగిన కంప్యూటర్ అయినా భారీ మొత్తంలో డివైజ్ డ్రైవర్లు ఇన్‌స్టాల్ చేయబడి ఉన్నాయంటే బూట్ అవడం చాలా ఆలస్యమవుతుంది. విండోస్ బూటింగ్ సమయంలో మనం కంప్యూటర్లో ఇన్‌స్టాల్ చేసిన అన్ని డివైజ్ డ్రైవర్లూ మెమరీలోకి లోడ్ చేయబడుతుంటాయి. ఈ నేపధ్యంలో మీ వద్ద రెగ్యులర్‌గా ఉపయోగించే డివైజ్ డ్రైవర్లని మాత్రమే సిస్టమ్‌లో ఉంచుకుని ఎప్పుడో సంవత్సరానికి ఒకటి రెండు సార్లు మాత్రమే ఉపయోగించే డివైజ్ యొక్క డ్రైవర్లని తొలగించడం ఉత్తమం. డీఫాల్ట్‌గా విండోస్‌లోని Device Manager ప్రస్తుతం మన కంప్యుటర్‌కి కనెక్ట్ చేయబడని డివైజ్ డ్రైవర్ల వివరాలు చూపించదు. అవి కూడా Device Manager లో చూపించబడాలంటే Start>Run కమాండ్ బాక్స్‌లోకి వెళ్ళి cmd అని టైప్ చేసి కమాండ్ ప్రాంప్ట్ వద్దకు వెళ్ళండి. ఇప్పుడు ఈ క్రింది కమాండ్ ఇవ్వండి. devmgr_show_nonpresent_devices=1 అని ఇచ్చి Enter కీ ప్రెస్ చేయండి. ఇప్పుడు My Computer పై మౌస్‌తో రైట్ క్లిక్ చేసి Properties>Device Manager అనే విభాగంలోకి వెళ్ళి View>Show Hidden Devices అనే ఆప్షన్‌ని క్లిక్ చెస్తే హిడెన్ డివైజ్‌లు చూపించబడతాయి. ఇప్పుడు అవసరం లేని డివైజ్‌లను తొలగించుకుంటే బూటింగ్ వేగవంతమవుతుంది.


12, ఏప్రిల్ 2008, శనివారం

మెమరీని తరచు క్లీన్ చేయడానికి

మీ కంప్యూటర్లో ఎంత మెమరీ ఉన్నా, ఎంత శక్తివంతమైన కంప్యుటర్ అయినా ఒకేసారి పలు అప్లికేషన్ ప్రోగ్రాములను సుదీర్ఘ కాలం పాటు ఓపెన్ చేసి పెట్టడం వల్ల సమయం గడిచేకొద్దీ పనితీరు నెమ్మదిస్తుంది. అలాంటప్పుడు కంప్యుటర్ ని రీస్టార్ట్ చేస్తేనే తిరిగి ఊపండుకుంటుంది. ఇలా స్లో అయినప్పుడు రీస్టార్ట్ చేసే అవసరం లేకుండా ఒ చిట్కా పాటించవచ్చు. డెస్క్ టాప్ పై మౌస్ తో రైట్ క్లిక్ చేసి New>Shortcut అనే ఆప్షన్ ని ఎంచుకుని Type the location of the item బాక్స్ లో క్రింది కమాండ్ ఉన్నదున్నట్లు టైప్ చేయండి.
%windir%system.32\rundll32.exe advapi32.dll,ProcessIdleTasks ఇప్పుడు Next అని ప్రెస్ చేసి ఆ షార్ట్ కట్ కి Memory Cleaning లేదా మీకు నచ్చిన పేరు ఇవ్వండి. ఇకపై సిస్టం స్లో అయిందని భావించినప్పుడల్లా ఈ షార్ట్ కట్ ని ఉపయోగించండి. మెమరీలో మొండిగా కూర్చున్న టాస్క్ లు , త్రేడ్ లు క్లోజ్ చేయబడి మెమరీ ఫ్రీ చేయబడుతుంది.

ఇమేజ్ సేవ చేయడానికి వీల్లేకుండా ఉంటే ?

ఆకర్షణీయమైన వాల్ పేపర్లు కలిగి ఉన్నా కొన్ని వెబ్ సైట్లు తమ సైట్లలోని ఇమేజ్ లను యూజర్లు మౌస్ తో రై క్లిక్ చేసి తమ హార్డ్ డిస్క్ లో సేవ చేయడానికి వీల్లేకుండా ఆయా వెబ్ పేజీల్లో అసలు మౌస్ రైట్ క్లిక్ అనేదే పనిచేయకుండా జావా స్క్రిప్ట్ తో డిసేబుల్ చేస్తుంటారు. ఈ నేపధ్యంలో పాపం నచ్చిన వాల్ పేపర్ కళ్ళెదుట కనిపిస్తున్నా దాన్ని సేవ చేసుకునే మార్గం లేక కీ బోర్డ్ పై ఉంటే print screen కమాండ్ తో స్క్రీన్ కేప్చర్ చేసి paint ప్రోగ్రాం లో పేస్ట్ చేసుకోవదమో, లేక ఇతరత్రా మార్గాలనో ఆశ్రయిస్తుంటారు చాలా మంది. ఇదేం అవసరం లేకుండా సింపుల్ గా ఆ ఇమేజ్ ని మౌస్ తో క్లిక్ చేసి డెస్క్ టాప్ పైకి డ్రాగ్ చేయండి. వెంటనే కన్పించే మెసేజ్ వద్ద yes అని క్లిక్ చేయండి. అంతే ఆ ఇమేజ్ హ్యాపీగా సేవ్ అవుతుంది.

9, ఏప్రిల్ 2008, బుధవారం

సమాచారాన్ని వడకట్టి చూపించేలా


ఇంటర్నెట్ ఎంత అమూల్యమైన జ్ఞానాన్ని ఇస్తుందో అంత చెత్త సమాచారాన్ని కలిగి ఉంది. ఈ నేపధ్యంలో మీరు ఇంటర్నెట్ ని బ్రౌజ్ చేసేటప్పుడు పొరబాటున కూడా అశ్లీలమైన వెబ్ సైట్లు, జూదం , హ్యాకింగ్, క్రాకింగ్ వంటి నిషిద్ధ సమాచారం మీ స్క్రీన్ పై ప్రత్యక్షం కాకుండా నిరోధించాలంటే ProCon Latte అనే add-on ఇన్ స్టాల్ చేసుకోండి. ఇది ఆయా వెబ్ సైట్లలోని టెక్స్ట్ ఆధారంగా అభ్యంతరకరమైన వెబ్ సైట్లని అవి మనకు చేరుకోకముందే నిలిపి వేస్తుంది. అలాగే మనం పేర్కొన్న కొన్ని వెబ్ సైట్లు మాత్రమె ఓపెన్ అయి మిగిలిన అన్ని సైట్లు అసలు ఒపేనే కాని విధంగా కూడా దీనిని కాం ఫిగర్ చేయవచ్చు. చిన్న పిల్లలు ఉన్నా ఇళ్ళలో ఇది ఉపయుక్తంగా ఉంటుంది.

కొన్ని వెబ్ సైట్లు ఓపెన్ చేయకుండా బ్లాక్ చేయడం



మీ ఇంట్లో చదువుకునే పిల్లలు ఉండి ఇంటర్నెట్ ద్వారా వారు Orkutలో స్క్రాప్‍లు చేయడానికో , ఐడిల్ బ్రెయిన్‍లో వాల్ పేపర్లు వెదకడానికో టైమ్ వేస్ట్ చేస్తున్నారనుకోండి. ఆయా సైట్లు మీ కంఫ్యూటర్‍లో ఓపెన్ కాకుండా నిరోధించవచ్చు. దీనికి ఎలాటి థర్డ్ పార్టీ సాఫ్ట్ వేర్ అవసరం లేదు. మీ హార్డ్ డిస్క్ లో C:\Windows\System32\drivers\etc అనే ఫోల్డర్ లోకి వెళ్ళి HOSTS అనే ఫైల్‍ని మౌస్‍తో రైట్ క్లిక్ చేసి Open అనే ఆప్షన్ ఎంచుకుని Notepad తో ఓపెన్ చేయండి. ఇప్పుడు ఆ ఫైల్‍లో 127.0.0.1 local host అనే లైన్ క్రింద.. కొత్తగా 127.0.0.2 అనే అడ్రస్‍ని టైప్ చేసి దాని ఎదురుగా పై చిత్రంలోని విధంగా ఏ సైట్ అయితే ఓపెన్ కాకుండా నిరోధించాలనుకున్నారో దాని అడ్రస్‍ని టైప్ చేయండి. అలాగే ఒకదాని తర్వాత ఒకటి అలా వేర్వేరు సైట్ల అడ్రస్‍లను టైప్ చేసి ఆ ఫైల్‍ని సేవ్ చేయండి. దీంతో ఇకపై ఆయా వెబ్ సైట్లు ఓపెన్ అవకుండా బ్లాకవుతాయి.

8, ఏప్రిల్ 2008, మంగళవారం

విండోస్ సెటప్ తో పాటే అన్ని ప్రొగ్రాములూ ...


వైరస్ ఇన్ ఫెక్ట్ అయినప్పుడు మనం అందరం వేరే మార్గం లేకపోతే హార్డ్ డిస్క్ ని ఫార్మేట్ చేసి విండోస్‍ని తాజగా ఇన్ స్టాల్ చేస్తుంటాం. విండోస్ ఇన్‍స్టలేషన్ పూర్తయి, మనకు కావలసిన ఫోటోషాప్, ఎం.ఎస్. ఆఫీస్ వంటి అన్ని సాఫ్ట్ వేర్లు, ప్రింటర్, లాన్ కార్డ్ వంటి డివైజ్ డ్రైవర్లు అన్నీ వెదికిపట్టుకుని ఇన్‍స్టాల్ చేసుకునేసరికి తలప్రాణం తోకకు వస్తుంది. ఈ ఇబ్బందిని Windows Reload అనే సాఫ్ట్ వేర్ సాయంతొ చిటికెలో అధిగమించవచ్చు. విండోస్ ఆపరేటింగ్ సిస్టమ్‍తోపాటు మీకు రెగ్యూలర్‍గా అవసరపడే ఇతర సాఫ్ట్ వేర్లని , డివైజ్ డ్రైవర్లని ఇన్‍స్టాల్ చేసుకున్న తర్వాత ఈ సాఫ్ట్ వేర్ సాయంతో ఆయా అంశాలన్నీ ఒకే డిస్క్ లో రైట్ చేసుకుంటే సరిపోతుంది. ఇకపై విండోస్‍ని ఎప్పుడు ఫ్రెష్‍గా ఇన్‍స్టాల్ చేయవలసి వచ్చినా ఆ డిస్క్ ఒకదాన్ని వాడితే విండోస్‍తో పాటు ఆటోమేటిక్‍గా ఇతర సాఫ్ట్ వేర్లూ ఇన్‍స్టాల్ అవుతాయి. గంటల తరబడి అన్నీ వెదికి పట్టుకుని ఇన్‍స్టాల్ చేసుకునే శ్రమ తప్పుతుంది.

5, ఏప్రిల్ 2008, శనివారం

USB ఫ్రిజ్ ఎంత ముచ్చటగా ఉందో కదా!

SNAG-0004SNAG-0005

మండువేసవి కాలం ముంగిట ఉంది.. కంప్యూటర్ ముందు కూర్చుంటే ఒంట్లోంచి వెచ్చటి ఆవిర్లు వస్తుంటాయి. ఓ కోక్ బాటిల్ పిసికి అందుబాటులో chiilled గా ఉంటే ఎలా ఉంటుంది? USB ఫ్రిజ్ మీ కోరికని తీరుస్తుంది. ముచ్చటగా ఓ కోక్ టిన్ పట్టే సైజ్ లో ఉండే ఈ ఫ్రిజ్ ని మీ పిసి యొక్క USB పోర్ట్ కి కనెక్ట్ చేసుకోవచ్చు. దీని ప్రత్యేకతలు:
                 

       కేవలం 5 నిముషాల్లో 8 డిగ్రీల సెంటిగ్రేడ్ కి ఉష్ణోగ్రత పడిపోతుంది.
       ఎలాంటి ప్రత్యేకమైన డివైజ్ డ్రైవర్లూ అవసరం లేదు.
        ఆపరేటింగ్ సిస్టమ్ తో సంబంధం లేకుండా అన్ని సిస్టమ్ లపై పనిచేస్తుంది. 

        365 గ్రాముల బరువు ఉంటుంది.
        ఇక ధర అంటారా.. కేవలం 1350 రూపాయలు సుమారుగా.

4, ఏప్రిల్ 2008, శుక్రవారం

మీ ఆఫీసులో జిమెయిల్ బ్లాక్ చేయబడిందా



తమ ఉద్యోగుల పని గంటలు వృధా పరుస్తారన్న ఉద్దేశ్యంతో కొన్ని కంపెనీలు జిమెయిల్ వంటి కొన్ని వెబ్ సైట్లని ఓపెన్ చేయడానికి వీల్లేకుండా బ్లాక్ చేస్తుంటాయి. వాస్తవానికి మీకు వేలాది రూపాయలు జీతం ఇస్తున్న కంపెనీ నియమాలకు కట్టుబడి ఉండడం మీ కర్తవ్యమ్. అయితె ఒక్కోసారి అర్జెంట్ గా మెయిల్ తనిఖీ చేసుకోవలసి వచ్చింది. ఒక ప్రక్క చూస్తేనేమో.. జిమెయిల్ మీ ఆఫీసులో నిషేదించబడింది. అలాంటప్పుడు http://mail.google.com/ అనే వెబ్ సైట్ అడ్రస్ ఉపయోగించడానికి బదులుగా https://mail.google.com అనే అడ్రస్ ని వాడి చూడండి. చాలావరకూ జిమెయిల్ ఒపెనవుతుంది. ఒకవేళ అప్పటికీ ఫలితం లేకపొతే ఈ క్రింది అడ్రస్ లూ ప్రయత్నించండి.

http://www.gmail.com
https://www.gmail.com
http://gmail.com
https://gmail.com
http:///m.gmail.com
https://m.gmail.com
http://googlemail.com
https://googlemail.co
http://mail.google.com/mail/x
https://mail.google.com/mail/x/


పై అడ్రస్ లను ఒకదాని తర్వాత ఒకటిగా మీ బ్రౌజర్ లో టైప్ చేస్తూ ప్రయత్నించండి తప్పకుండా ఏదో ఒక వెబ్ అడ్రస్ ద్వారా మీ జిమెయిల్ అకౌండ్ ఓపెన్ చేయబడుతుంది.

బ్లూ టూత్ ద్వారా పూర్తి స్థాయి నియంత్రణ


Super BluetoothHack అనే సాఫ్ట్ వేర్ ని మీ ఫోన్ లో ఇన్ స్టాల్ చేసుకుంటే ఇకపై బ్లూ టూత్ సహాయంతో మీరు ఎ ఫోన్ కి కనెక్ట్ అయినా ఆ ఫోన్ లో అనేక రకాల పనుల్ని నేరుగా మీ ఫోన్ నుండే నిర్వర్తించే అవకాశముంది. ఉదా. కు. మన ఫోన కి కనెక్ట్ అయిన రెండవ ఫోన్ లోని మెసేజ్ లను చదవవచ్చు. కాంటాక్ట్ లను చూడవచ్చు. ప్రొఫైల్ ని మార్పిడి చేయవచ్చు. ఆ ఫోన్ సైలెంట్ మోడ్ లో ఉన్నా ఆ ఫోన్ యొక్క రింగ్ టన్ ని ప్లే చేయవచ్చు. అవతలి వ్యక్తి ఫోన్ లో సేవ్ చేయబడి ఉన్న పాటలను ప్లే చేయవచ్చు. ఆ రెండవ ఫోన్ నుండి కాల్స్ చేయవచ్చు.

2, ఏప్రిల్ 2008, బుధవారం

డ్రైవ్ లను దాచి పెట్టడానికి సులువైన మార్గం


విండోస్ రిజిస్ట్రీ ద్వారా మన హార్డ్ డిస్క్ లోని C, D, E వంటి వేర్వేరు డిస్క్ డ్రైవ్ లను ఇతరులకు కనిపించకుండా ఎలా చేయాలో చూద్దాం. మీకంప్యూటర్లో Start మెనూలో Run కమాండ్ బాక్స్ లో diskpart అనే కమాండ్‍ని టైప్ చేయండి. వెంటనే కమాండ్ ప్రాంప్ట్ వద్ద DISKPART> అని వస్తుంది. అక్కడ list volume అనే కమాండ్ టైప్ చేస్తే క్రింది విధంగా స్క్రీన్ వస్తుంది. D డ్రైవ్‍ని హైడ్ చేయాలనుకుంటే select volume # అనే కమాండ్‍ని టైప్ చేసి , వెంటనే remove letter D అని టైప్ చేయండి. దాంతో డ్రైవ్ లెటర్ తొలగిపోతుంది. మళ్ళీ ఆ డ్రైవ్ రావాలంటే పై క్రమంలోనే కమాండ్లని టైప్ చేసి remove letter D వద్ద assign letter D అనే కమాండ్‍ని ఉపయోగించుకోవలసి ఉంటుంది.

1, ఏప్రిల్ 2008, మంగళవారం

20,000 మైలురాయిలో సాంకేతికాలు

 20000

తెలుగు బ్లాగు గూగుల్ గుంపులో రిజిస్టర్ చేసుకున్న తర్వాత ఒక సాంకేతిక బ్లాగు ప్రారంభించమని జ్యోతక్క, సిబిరావు గారు తదితరులు ప్రోత్సహించడం, తర్వాతి పరిణామాలతో జూలై 8, 2007 ఆదివారం నాడు జరిగిన తెలుగు బ్లాగర్ల సమావేశానికి మొట్టమొదటిసారి హాజరుకావడం.. ఆ మరుసటి రోజే నల్లమోతు శ్రీధర్ సాంకేతికాలు పేరిట బ్లాగుని ప్రారంభించడం జరిగింది. సమాచారం అందించే కోవకు చెందిన బ్లాగు కావడం వల్ల రెగ్యులర్ గా వీలైనంత ఎక్కువ సమాచారం ఇద్దామని బ్లాగు మొదలుపెట్టిన రోజే నిర్ణయించుకోవడం జరిగింది.  దాని ప్రకారమే ఎవరు చదువుతున్నారు, చదవడం లేదు అన్న లెక్కలు వేసుకోకుండా తెలిసిన కొద్దిపాటి నాలెడ్జ్ ని వెనుకా ముందూ ఆలోచించకుండా పోస్ట్ చెయ్యడానికే మొగ్గుచూపడం జరిగింది. కామెంట్లు రావట్లేదు.. జనాలు చదవడం లేదు వగైరా ఫీలింగులేమీ పెట్టుకోలేదు, కారణం అవసరం ఉన్నవారికి ఏ ఒక్కరికైనా ఈ బ్లాగు ఉపయోగపడుతుంది అన్న నమ్మకం.  బ్లాగు స్థాయిని దాటి విపరీతంగా పోస్టులు చేస్తున్నారు అన్న తరహా అభిప్రాయాలు మొదటి నుండీ వస్తూనే ఉన్నాయి. నిజమే కేవలం కంటెంట్ ఉంది దాన్ని ఎలాగైనా అవసరం అయినవాళ్లకు చేరవేయాలి అనే తపనతో పోస్టులు చేసుకుంటూ వెళ్లడం జరిగింది. అందుకే 9 నెలల కాలంలో 387 పోస్టులు (సగటున నెలకు 43 పోస్టులు) బ్లాగులో జమయ్యాయి. నేను పని వత్తిడిలో ఉన్న చాలా సందర్భాల్లో పనిగట్టుకుని మరీ పోస్ట్ చేసి ఈ బ్లాగు నిరంతరాయంగా కొనసాగడంలో కీలకపాత్ర జ్యోతక్క పోషించారు, అక్క రుణం ఏ విధంగానూ తీర్చుకోలేం. మధ్యలో ఉత్సాహంగా మైకూ గట్రా పుచ్చుకుని వీడియో పోస్టులూ చేస్తే ప్రొఫెనషల్ గా ఉంటుందన్పించి ఆ ముచ్చటా తీర్చుకోవడం జరిగింది. ఇప్పుడు ఈ బ్లాగు సగటున రోజుకి 123 విజిట్స్ తో ఈ 20వేల మైలురాయిని చేరింది.

 SNAG-0000

ఈ బ్లాగులో చాలామందికి ఉపయోగపడే పోస్టులు ఎన్ని ఉన్నాయో అతి చెత్త పోస్టులూ చాలానే ఉన్నాయి. కానీ చిన్నదైనా పెద్దదైనా.. గొప్ప విశేషం కాకపోయినా సమాచారం సమాచారమే కదా అని చిన్న చిన్న చిట్కాలను సైతం రాయడం జరిగింది. 20వేల విజిట్లకే ఇంత సోది రాస్తున్నాడేమిటి అనుకోకండి.. రంగూ రుచీ వాసనా లేని పూర్తి జడపదార్థమైన సాంకేతిక బ్లాగుకు ఈ మాత్రం ఆదరణ నాకు ఆనందాన్నే మిగుల్చుతోంది. ఈ 9 నెలల ప్రయాణంలో మొట్టికాయలు వేసి సరైన దారిలో నడిపించిన సాంకేతిక నిపుణులకు, ఆదరించిన పిసి యూజర్లకు ధన్యవాదాలు. స్వంత తమ్ముడిగా భావించి బ్లాగుని నేను బిజీగా ఉన్నప్పుడూ నడిపిస్తున్న జ్యోతక్కకు శతకోటి నమస్కారాలు. మీ అందరి ఆదరాభిమానాలు ఇలాగే కొనసాగుతాయని ఆశిస్తూ.. స్వంత గూటిని (డొమైన్)ని ఏనాడో ఏర్పాటు చేసుకున్నా ఇంకా అందులోకి బ్లాగుని మార్చలేదు, అతి త్వరలో ఆ తంతూ పూర్తి చేసి మరించి ఆకర్షణీయంగా బ్లాగుని అందిస్తానని విన్నవించుకుంటూ సెలవు.

31, మార్చి 2008, సోమవారం

మార్చి 30వ తేదీ సమావేశ నివేదిక

స్థలం: కృష్ణకాంత్ పార్క్, యూసఫ్ గూడ బస్తీ దగ్గర, హైదరాబాద్

హాజరైన సభ్యులు:
1. శ్రీనివాస్ (mr.Srinu ఐడితో వస్తుంటారు), మన సైట్ నిర్వహణలో ముఖ్య పాత్రధారి.
2. రుచిర శ్రీనివాస్ (ఛాదర్ ఘాట్)
3. వి. రంజన్
4. బి. పట్టాభిరాం
5. ఎస్. జాహ్నవి
6. ఎన్. విక్రమ్
7. ఎం. భాస్కర్
8. అనిల్ (వరంగల్ నుండి ఈ సమావేశం కోసమై వచ్చారు)
9. శ్రీధర్ పతి (గద్వాల నుండి హాజరయ్యారు)
10. నల్లమోతు శ్రీధర్
కిషోర్ నువ్వుశెట్టి గారు, మొగిలిచర్ల మురళీధర్ గారు.. మరికొంత మంది పనుల వత్తిడి వల్ల హాజరుకాలేకపోతున్నామని సమాచారం అందించారు.

సరిగ్గా సమావేశ సమయానికి కొద్దిపాటి చినుకులు ప్రారంభమవడంతో ఎప్పటిలా ఓపెన్ ప్లేస్ లో కూర్చోవడానికి సాహసించక చక్కని గూడుని ఎంచుకుని ఆశీనులమయ్యాం. కొన్ని ప్రత్యేక కారణాల వల్ల ఈ సమావేశానికి నలుగురైదుగురికి మించి హాజరు కారన్న భావనతో వెళ్లినా ఒకరొకరిగా వస్తూ పదిమంది వరకూ పోగయ్యాం. చాలా తక్కువమంది హాజరు అవుతారని ముందే అన్పించడం వల్ల పూర్వపు మీటింగులలా ప్రత్యేకమైన అజెండా అంటూ పాయింట్ వైజ్ గా డ్రాఫ్ట్ చేసుకోకుండానే ఈ సమావేశానికి వెళ్లడం జరిగింది. కానీ అక్కడకు వెళ్లిన తర్వాత సభ్యుల నుండి లభించిన ప్రోత్సాహం, పార్టిసిపేషన్, చక్కని సలహాలు చూసిన తర్వాత.. సభ్యుల రాశి తక్కువైనా వాసి తక్కువ లేదన్పించింది. చాలా ప్రొడక్టివ్ సలహాలు, సూచనలు వచ్చాయి.

final1

ఎడమ నుండి కుడికి.. రుచిర శ్రీనివాస్, విక్రమ్, శ్రీధర్ (గద్వాల), భాస్కర్, నల్లమోతు శ్రీధర్, గోరంట్ల శ్రీనివాస్, పట్టాభిరాం బొప్పన, అనిల్

ప్రధానంగా ఐ.టి. నాలెడ్జ్ ని రాష్ట్రవ్యాప్తంగా వ్యాపింపజెయ్యడానికి మనం చేస్తున్న కార్యకలాపాల గురించి వివరంగా అన్ని ముఖ్యమైన లింకులతో సహా ఓ సమగ్రమైన అవగాహన కల్పించే డాక్యుమెంట్ ని రూపొందించి దానిని ఫోరంలో ఒక చోట అందరికీ అందుబాటులో ఉంచడం మంచిది అనే సూచన శ్రీనివాస్ అనే సభ్యుడి నుండి వచ్చింది. తద్వారా కొత్త వ్యక్తులకు మన సేవలను పరిచయం చెయ్యడానికి ఆ డాక్యుమెంట్ ఒక్కసారి చదివించగలిగితే బెటర్ అనే చక్కని అభిప్రాయం కుదిరింది. కాలేజీ లైబ్రరీల వారు డిజిట్, చిప్ వంటి పుస్తకాలకు వందలాది రూపాయలు వెచ్చిస్తూ ఉంటారని ఒక్కసారి మన కంప్యూటర్ ఎరాని పరిచయం చేస్తే అంత కంటెంట్ ఉన్న పత్రికను వారు వదిలిపెట్టరని ఆ దిశగా ప్రయత్నాలు సాగించమని జాహ్నవి గారు, జి. శ్రీనివాస్ అనే సభ్యుల నుండి సూచనలు వచ్చాయి. దానికి గాను మన కంప్యూటర్ ఎరా యాజమాన్యం నుండి సానుకూల స్పందన కోసం ప్రయత్నిస్తాను.

ఎవరికి తెలిసిన నాలెడ్జ్ ని అది చిన్నవిషయమైనా, పెద్ద విషయమైనా ఫోరంలో ఓ ఐదు నిముషాలు వీలుచేసుకుని పోస్ట్ చేయమని హాజరైన సభ్యులందరికీ విన్నవించడం జరిగింది. అలాగే ఇంగ్లీషులో కూడా ఫోరం ప్రారంభించవచ్చు కదా అనే సూచనను రాజన్ గారు చేశారు. రెండు వేర్వేరు టెక్నికల్ ఫోరంలను రెండు భాషల్లో విభిన్నంగా నిర్వహించగలగడానికి ప్రధానంగా కమిటెడ్ సభ్యుల సహకారం చాలా అవసరం. మన టీమ్ మరింత విస్తరించిన తర్వాత కొంతమంది ఆంగ్ల ఫోరం బాధ్యతని చేపట్టడానికి అవకాశం ఉంటుందని నిర్ణయానికి రావడం జరిగింది.  అలాగే రుచిర శ్రీనివాస్ గారు ఫోరంలో కొత్త ఉత్పత్తులకై ఒక విభాగాన్ని ప్రారంభిస్తే బాగుంటుందని సూచించడం జరిగింది. వివిధ ఉత్పత్తులు, వాటి టెక్నికల్ స్పెసిఫికేషన్ల గురించి ఆయన అనర్గళంగా మాట్లాడడం, ఎక్కడెక్కడో డీలర్లు, డిస్ట్రిబ్యూటర్లు వద్దకు ప్రత్యేకంగా వెళ్లి బ్రోచర్లు కలెక్ట్ చేసుకురావడం అనేది ఆయన హాబీ. ఆయనతో మాట్లాడుతుంటే కంప్యూటర్ ఉత్పత్తుల పట్ల ఆయనకు గల నాలెడ్జ్ చాలామందికి ఉపయోగపడుతుంది అన్పిస్తోంది. అందుకే కొత్త ఉత్పత్తుల గురించి పోరంలో కొత్త విభాగాన్ని సృష్టించడానికి నిర్ణయించడం జరిగింది.

final2

 

ఈ సమావేశంలో అనూహ్యంగా చాలా ఏక్టివ్ గా పార్టిసిపేట్ చేసిన సభ్యుల్లో జాహ్నవి గారు ఒకరు. తను ఇంజనీరింగ్ విద్యార్థిని కావడం వల్ల.. కాలేజీల్లో కంప్యూటర్ విద్యాబోధన ఎంత థీరిటికల్ గా సాగుతుందో అనేక ఉదాహరణలు చెప్పుకుంటూ వచ్చారు. కాలేజీల్లో లెక్చరర్లు Control Panel ఓపెన్ చేస్తే కంప్యూటర్ పాడవుతుంది అనే ఫీలింగ్ క్రియేట్ చేస్తారని, అసలు ఇంటర్నెట్ కి కనెక్ట్ అయితే క్షణాల్లో వైరస్ వచ్చేస్తుందని భయపెట్టేస్తారని.. తాను, తన స్నేహితులు చదువుతున్న చాలా కాలేజీల్లో ఇదే తరహా వాతావరణం నెలకొని ఉందని.. ఈ నేపధ్యంలో ముందు స్టూడెంట్లలో సెమినార్ల ద్వారా అలాంటి భయాలను పారద్రోలవలసిన అవసరం ఉందని, లేదంటే ఐ.టి. ఫీల్డ్ లో మొక్కుబడి ఉద్యోగాలు చేసే బంట్రోతులుగానే మిగిలిపోతారు తప్ప ఎలాంటి ప్రాక్టికల్ నాలెడ్జ్ రాదని అభిప్రాయం వెలిబుచ్చడం జరిగింది. కేవలం సిలబస్ కే అధిక ప్రాధాన్యం ఇచ్చి ఐ.టి. ఆధారిత అవేర్ నెస్ ని అసలు పట్టించుకోని వైఖరి ఉన్న విద్యాసంస్థలు ఈ తరహా సెమినార్లకు ఎంతవరకూ సానుకూలంగా ఉంటాయన్నది ఆలోచించాలి, అలాగే మన ప్రయత్నం మనం తప్పకుండా చేయాలి. గద్వాల నుండి శ్రీధర్ గారు ఆ పట్టణంలో కంప్యూటర్ ట్రైనింగ్ ఇనిస్టిట్యూట్, డిటిపి సెంటర్, వెబ్ హోస్టింగ్ వంటి అన్ని రకాల సేవలను అందిస్తున్నారు. ఆయన ఈ విషయమై స్పందిస్తూ కాలేజీలలో సెమినార్లు ప్రయత్నించడం, అలాగే రాష్ట్రవ్యాప్తంగా ఉన్న ప్రైవేట్ కంప్యూటర్ ట్రైనింగ్ ఇనిస్టిట్యూట్ లు మనకు బాగా సహకారం అందిస్తాయి కాబట్టి అక్కడికి వచ్చే విద్యార్థులకు అవేర్ నెస్ కల్పిస్తే మరింత బాగుంటుందని సూచించడం జరిగింది. ఒకవేళ కళాశాలల నుండి సరైన ప్రోత్సాహం లభించకపోతే ఈ ప్రత్యామ్నాయ మార్గంలోనైనా మన పని మనం చేసుకుంటూ వెళ్లవచ్చు. అకడమిక్ ఇయర్ ప్రారంభం కాగానే మొదటి కొద్దిరోజుల పాటు విద్యార్థులపై ఎలాంటి వత్తిడి లేకుండా ఖాళీగా ఉంటారని దానిని దృష్టిలో ఉంచుకుని ఆలోపు కాలేజీ యాజమాన్యాలతో చర్చించి సెమినార్లకు అనువైన సమయం నిర్ణయించుకుంటే బాగుంటుంది అని జాహ్నవి గారు సూచించారు. ఇక్కడ ఒక ఇబ్బంది నన్ను చాలారోజులుగా వేధిస్తోంది. ఒక కళాశాలలో సెమినార్ ఇచ్చేటప్పుడు కేవలం ఫీల్డ్ నాలెడ్జ్ లేని నేనొక్కడినే పార్టిసిపేట్ చెయ్యడం కన్నా వివిధ రంగాల్లో అనుభవం ఉండీ, ఐ.టి. కంపెనీల్లో వర్క్ చేస్తున్న మిత్రులు పెద్ద మనసు చేసుకుని ఇలాంటి కార్యక్రమాల పట్ల ముందుకు వస్తే చాలామందికి అవేర్ నెస్ కల్పించినట్లు అవుతుంది, స్టూడెంట్ కి కావలసిన ప్రాపర్ గైడెన్స్ కూడా లభిస్తుంది. వివిధ ఐ.టి. కంపెనీల్లో వర్క్ చేస్తున్న అనుభవజ్ఞులు దయచేసి ఈ విషయంలో స్వచ్ఛందంగా ముందుకు వచ్చి తమ సహకారం అందిస్తారని ఆశిస్తున్నాను.

SNAG-0002

ఇకపోతే ఈ కార్యకలాపాల నిర్వహణకు గాను ఆర్థిక పరమైన తోడ్పాటు ఏ విధంగా లభించినా బాగుణ్ణు అన్న ఆలోచన ఒకటి ప్రస్తావనకు వచ్చింది. దానికిగాను google adsense వంటి వాటితోపాటు స్థానికంగా ఉండే సంస్థల నుండి నామినల్ టారిఫ్ తో చిన్న చిన్న ప్రకటనలు సేకరించి ఫోరంలో, ఛాట్ లో ప్రచురిస్తే బాగుంటుంది అనే అభిప్రాయం వచ్చింది. ఆచరణలో సాధ్యాసాధ్యాలు ఆలోచించాలి.

గత మీటింగులతో పోలిస్తే సరిగ్గా రెండు గంటల పాటు జరిగి త్వరగా ముగింపుకు వచ్చిన మీటింగ్ ఇది. ఆ రెండు గంటల వ్యవధిలోనూ చాలా మంచి సూచనలు వచ్చాయి. ఎవరివద్దా కెమెరా లేకపోవడంతో పట్టాభిరాం గారు అప్పటికప్పుడు వాళ్లబ్బాయికి ఫోన్ చేసి ఇంటి నుండి కెమెరా తెప్పించి ఫొటోలు తీయించడం విశేషం. అదీగాక గత మీటింగ్ నుండి ఆయన కృష్ణకాంత్ పార్క్ లో టికెట్ తీసుకునే ఎంట్రెన్స్ గేట్ వద్ద మీటింగ్ ఎక్కడ జరుగుతుందో కన్ ఫ్యూజ్ అయ్యే కొత్తవారిని గైడ్ చేసేలా బానర్ ఏర్పాటు చెయ్యడం వంటి అనేక విషయాల్లో సహకారం అందిస్తున్నారు. ఆయనకు మనసారా కృతజ్ఞతలు తెలుపుతున్నాను. ఎంతో దూరప్రాంతాల నుండి వచ్చిన శ్రీధర్ (గద్వాల) గారికి, అనిల్ (వరంగల్) గారికి, సామాజిక వేత్త విక్రమ్ గారికి, విలువైన సూచనలు చేసిన జాహ్నవి గారికి, భాస్కర్, రాజన్, రుచిర శ్రీనివాస్, జి. శ్రీనివాస్ గార్లకు ధన్యవాదాలు.

కొసమెరుపు: మీటింగ్ జరిగిన రాత్రి 12 దాటకముందే రిపోర్ట్ రాయటమన్నది నేను అనుసరించే పద్ధతి. కానీ రాత్రి మీటింగ్ నుండి ఇంకా ఇంటికి చేరకముందే మన సర్వర్ డౌన్ అయినట్లు మెసేజ్ వస్తోందని మిత్రులు ఫోన్ చేయడం, అప్పటికప్పుడు సర్వర్ అప్ అయ్యేలా హోస్టింగ్ వాళ్లతో కమ్యూనికేట్ చేయడం, వారి సూచనలు అమలుపరచడానికి రాత్రి 2.30 గంటల వరకూ తెలియని వెబ్ టెక్నికల్ పారామీటర్ల గురించి మల్లగుల్లాలు పడడం వల్ల ఇంత ఆలస్యంగా రిపోర్ట్ రాయవలసి వచ్చింది.

తదుపరి హైదరాబాద్ పాఠకుల సమావేశం: ఏప్రిల్ 27, ఆదివారం, 2008న కృష్ణకాంత్ పార్క్, యూసఫ్ గూడ బస్తీ వద్ద, మధ్యాహ్నం 3 గంటలకు జరుగుతుంది.

అలాగే ఏప్రిల్ 6వ తేదీన విజయవాడలో కంప్యూటర్ ఎరా పాఠకులు, తెలుగు బ్లాగర్ల సంయుక్త సమావేశం జరుగుతుంది. వివరాలకు: 9866369288 నెంబర్ లో సంప్రదించగలరు.

గణాంకాలు: మనం అందరం టీమ్ వర్క్ గా నిర్వహిస్తున్న ఫోరం, ఛాట్ రూమ్ లు జనవరి 5, 2008న ప్రారంభమైన రోజున Alexa ర్యాంకింగ్ లో 70 లక్షలకు పైబడి ర్యాంక్ ఉండేది, ఇప్పుడు ప్రపంచవ్యాప్తంగా మన సైట్ Alexa ర్యాంక్ మూడు నెలల కాలంలో 5,75,645కి చేరింది. అలాగే భారతీయ సైట్లలో 9,234 ర్యాకింగ్ తో మొదటి 10వేల సైట్ల సరసన చేరింది. అలాగే మూడు నెలల కాలంలో ఫోరంలో 1819 మంది సభ్యులు చేరారు, 1017 టాపిక్ లు, 1766 పోస్టులు చేయబడ్డాయి. అధికశాతం తెలుగులోనూ, ఆకర్షణీయంగా స్ర్కీన్ షాట్లతోనూ రూపొందించబడిన పోస్టులే! అలాగే సాంకేతిక సహాయం ఛాట్ రూమ్ ద్వారా ఇంతవరకూ 650కి పైగా జెన్యూన్ సొల్యూషన్లు అందించబడ్డాయి. సరైన నిపుణులు సమయానికి అందుబాటులో లేక అపరిష్కృతంగా ఛాట్ లో జరిగిన సంభాషణలు ఇంకెన్నో ఉన్నాయి. ఈ నేపధ్యంలో ఐ.టి. నాలెడ్జ్ ఉన్న మిత్రులకు విన్నవించుకునేది ఒక్కటే దయచేసి కొద్ది సమయమైనా ఈ వేదికపై స్పెండ్ చేయండి. మీ నాలెడ్జ్ ఎంతోమందికి ఆసరాగా నిలుస్తుంది. గద్వాల నుండి వచ్చిన శ్రీధర్ గారు అంతదూరం నుండి రావడానికి ఒకటే కారణం చెప్పారు.. ఒకరోజు నైట్ వాళ్ల బ్రదర్ కి ఏదో టెక్నికల్ ప్రాబ్లెం ఉంటే మన ఛాట్ రూమ్ లో ఎవరో అప్పటికప్పుడు అతని సిస్టమ్ లోకి ప్రవేశించి సమస్యని పరిష్కరించారట.. అంత జెన్యూన్ సర్వీస్ కి చాలా హాపీ ఫీల్ అయి ఎలాగైనా మన టీమ్ సభ్యులను కలవాలని ఈ ప్రాజెక్ట్ లో మేమూ భాగస్వాములం అవాలని అక్కడి నుండి వచ్చాం అని చెప్పారు. మన ప్రయత్నంలో ఎలాంటి లోపం లేకుండా చిత్తశుద్దిగా ఎంతో కొంత సమయం చేసుకుంటూ వెళితే ఇలా ఎంతోమంది తామూ ఇందులో భాగస్వాములవుతారు. సో.. ఇది మనకు సంబంధించిన వ్యవహారం కాదు అని దులిపివేసుకుని వెళ్లకుండా దయచేసి హృదయమున్న మిత్రులందరూ తమవంతు సహకారం ఈ ప్రాజెక్ట్ విషయంలో అందిస్తారని ఆశిస్తున్నాం.

- నల్లమోతు శ్రీధర్
31-3-2008, 12.09 AM.

30, మార్చి 2008, ఆదివారం

USB కీచైన్ డ్రైవ్‌లు

ఇప్పుడు చాలామంది జేబుల్లో GB ల కొద్ది మెమరీ తిరుగుతూ ఉంటోంది. ప్రతీ ఒక్కరూ 1, 2,4, 8 GB వంటి వేర్వేరు సామర్ధ్యాల్లోని USB మెమరీ స్టిక్‌లను ఉపయోగిస్తున్నారు. ఫ్లాపీ డిస్క్‌లు, జిప్ డిస్క్‌లు, సిడిలు, డివిడిలు వంటి ఇతర పద్ధతుల కన్నా డేటాని సులభంగా ఒక కంప్యూటర్ నుండి మరో కంప్యూటర్‌కి తీసుకువెళ్ళడానికి ఈ USB మెమరి స్టిక్‌లు అనువుగా ఉంటున్నాయి. ఇతర అన్ని రకాల ఫ్లాష్ మెమరీ కార్డుల్లోని సమాచారాన్ని కంప్యూటర్‌లోకి రీడ్ చేయాలంటె Card Reader అనే ప్రత్యేకమైన పరికరం తప్పనిసరిగా ఉండాల్సి వచ్చేది. అయితే USB మెమరీ స్టిక్‌లకు ఈ ఇబ్బంది లేదు.

మన కంప్యూటర్ క్యాబినెట్‌పై ఉండే ఏ USB పోర్ట్ కైనా ఈ మెమరీ స్టిక్‌లను సులభంగా కనెక్ట్ చేసి అందులో ఉన్న సమాచారాన్ని యాక్సెస్ చేయొచ్చు. ఏదైనా USB కీచైన్ డ్రైవ్‌ని మన కంప్యూటర్ యొక్క USB పోర్ట్‌కి కనెక్ట్ చేసిన వెంటనే మన హార్డ్ డిస్క్‌లోని వివిధ డ్రైవ్‌లు, సిడిరామ్, డివిడి డ్రైవ్‌లకు అదనంగా ప్రస్తుతం మనం కనెక్ట్ చేసిన USB డ్రైవ్‌కి కూడా ఓ డ్రైవ్ లెటర్ My Computer లో ప్రత్యేకంగా ప్రత్యక్షమవుతుంది. ఆ డ్రైవ్ లెటర్‌ని క్లిక్ చేయడం ద్వారా ఆ USB మెమరీ స్టిక్‌లో ఉన్న సమాచారాన్ని మనం యాక్సెస్ చేయవచ్చు. ఈ తరహా మెమరీ స్టిక్‌ల డేటా ట్రాన్స్‌ఫర్ రేట్ సెకనుకు 1MB ఉంటుంది. హార్డ్ డిస్క్‌లోని ఇతర డ్రైవ్‌లలో మాదిరిగానే ఈ USB మెమరీ స్టిక్‌లను కూడా ఫార్మేట్ చేయవచ్చు. ప్రస్తుతం 20GB వరకు వేర్వేరు స్టోరేజ్ కెపాసిటీ కలిగిన USB కీచైన్ డ్రైవ్‌లు మార్కెట్లో లభిస్తున్నాయి.

అనధికార సైట్లలో స్క్రిప్ట్‌లు, కంట్రోళ్ళు రాకుండా..


ఆన్‌లైన్ ద్వారా వ్యాప్తి చెందే అధికశాతం వైరస్‌లు, స్పైవేర్లు, adware ల వంటివి వివిధ చట్ట విరుద్ధమైన వెబ్‌సైట్లలో పొందుపరచబడి ఉండే జావా స్క్రిప్ట్, Active X కంట్రోళ్ళ ద్వారా మన సిస్టంలోకి ప్రవేశిన్స్తుంటాయి. ఈ నేపధ్యంలో ఫైర్‌ఫాక్స్ బ్రౌజర్ ద్వారా మనం నెట్ బ్రౌజ్ చేసేటప్పుడు కేవలం మనం సురక్షితమైనవిగా పేర్కొన్న Yahoo, Google వంటి కొన్ని వెబ్‌సైట్లు మాత్రమే మన పిసిలో ఆయా స్క్రిప్ట్‌లను రన్ చేయగలిగేలా, ఇతర వెబ్‌సైట్ల నుండి రన్ అయ్యే స్క్రిప్ట్‌లు, ActiveX కంట్రోళ్ళు నిలుపుదల చేయబడేలా No Script అనే add-on లభిస్తుంది.

ఉచితంగా ఆన్ లైన్ లో నేర్చుకోండి

మీరు ఉచితంగా కంప్యూటర్ నేర్చుకుంటున్నారా.. Word, Excel వంటి ప్రాధమిక అప్లికేషన్లని ఉపయోగించడం కూడా తెలియకపోతే, డబ్బులు వృధా చేసుకుని కంఫ్యూటర్ ట్రైనింగ్ ఇన్స్టి్‌ట్యూట్‌లలో నేర్చుకోవలసిన పనిలేదు. ఇంటర్నెట్‌పై ipic అనే వెబ్‌సైట్ పలు కంప్యూటర్ సబ్జెక్టులను ఒక్క పైసా కూడా వసూలు చేయకుండా ఉచితంగా నేర్పిస్తోంది.సహజంగా పేరాల కొద్ది మేటర్‌తో కూడిన పుస్తకాలు చదివి వాటిని అర్ధం చేసుకుని నేర్చుకోవడం కష్టం కదా! దీన్ని దృష్టిలో ఉంచుకునే ఈ వెబ్‌సైట్ ప్రతీ టాపిక్‌ని ఫోటోలను చూపించడం ద్వారా సులభంగా అర్ధమయ్యేలా నేర్పిస్తోంది. Access, Excel, Publisher, Word, PowerPoint, Impress, Dreamweaver, HTML & CSS, Photoshop Elements, Fireworks, MySQL, PHP Basics, Perl Basic వంటి అనేక సబ్జెక్టులను నేర్పిస్తోంది.

ఈరోజే రీడర్స్ మీటింగ్, తప్పక హాజరు కాగలరు

ప్రియమైన మిత్రులకు.. ఈరోజు (ఆదివారం 30వతేదీ) మధ్యాహ్నం ౩ గంటలకు పాఠకుల సమావేశం జరుగుతుంది. హైదరాబాద్ యూసఫ్ గూడ బస్తీ వద్ద ఉన్న (అమీర్ పేట సారధి స్టూడియో నుండి హైటెక్ సిటీ వెళ్లే రూట్ లో) కృష్ణకాంత్ పార్క్ లో సమావేశమవుదాం. అలాగే సమావేశ స్థలానికి రావడం విషయంలో ఏవైనా సందేహాలుంటే 9848227008 నెంబర్ లో సంప్రదించగలరు. ౩ గంటల నుండి 5.30 గంటల వరకూ సమావేశం జరుగుతుంది. నలుగురైదుగురు వచ్చినా సమావేశం జరుగుతుంది. మంచి ఉద్దేశాలు కలిగిన వ్యక్తులు ఒకచోట కలవడమే ప్రధాన ఉద్దేశ్యం తప్ప ఎంతమంది హాజరవుతారు అన్నది కాదు. కాబట్టి ఆసక్తి ఉన్నవారు ఈరోజు సాయంత్రం 3 గంటలకు కృష్ణకాంత్ పార్క్ టికెట్ తీసుకునే మెయిన్ గేట్ వద్ద గుమికూడి అందరం ఒకేసారి లోపలికి వెళదాం.

- నల్లమోతు శ్రీధర్

ఎడిటర్

కంప్యూటర్ ఎరా

29, మార్చి 2008, శనివారం

Stop బటన్‌కి ప్రేమ చిహ్నం కావాలా?


ఫైర్ ఫాక్స్ బ్రౌజర్‌లోని Stop బటన్‌లోని X గుండ్రని ఆకారంలో కాకుండా

ప్రేమ చిహ్నంలో చూపించబడాలంటే Stop in the name of love అనే

add-on ని వాడవచ్చు.

Acrobat లేకుండా PDFలను ఎడిట్ చేయాలా?




PDF ఫైళ్ళని ఓపెన్ చేసి చదవడానికైతే Acrobat Reader సరిపోతుంది. కానీ, ఆయా PDF ఫైళ్ళలొ ఏవైనా మార్పులు చేయాలంటే మాత్రం Adobe Acrobat Professional అనే సాఫ్ట్ వేర్ మన దగ్గర ఉండవలసి ఉంటూంది. దానికి ప్రత్యామ్నాయంగా PDFill PDF అనే సాఫ్ట్ వేర్‌ని డౌన్‌లోడ్ చేసుకోండి. దీని సాయంతో వేర్వేరు PDF ఫైళ్ళని ఒకే ఫైల్‌గా జత చేసుకోవచ్చు. PDF ఫైళ్లలోని పేజీల యొక్క వరుస క్రమాన్ని మార్చుకోవచ్చు. PDF ఫైళ్ళలోని పేజీలను రోటేట్, క్రాప్ చేసుకోవచ్చు. ప్రతీ పేజీకి మనకు నచ్చిన విధంగా Header మరియు Footer సమాచారాన్ని జత చేసుకోవచ్చు. అలాగే PDF ఫైళ్లలోని పేజీలను JPEG, BMP వంటి ఇమేజ్ ఫైల్ ఫార్మేట్లలోకి కన్వర్ట్ చేసుకోవచ్చు. నాలుగైదు పేజీలుగా ఉన్న డాక్యుమెంట్‌లోని సమాచారం మొత్తాన్ని ఒకే పేజీలో ఇమిడిపోయేలా reformat చేయవచ్చు. అలాగే PDF ఫైళ్ళకు వాటర్ మార్క్‌లను జత చేయవచ్చు. పలు ఆప్షన్లున్నాయి.

Welcome స్క్రీన్ చూపించబడకుండా ఉండాలంటే !


Win 2000/XP ఆపరేటింగ్ సిస్టమ్‌లను బూట్ చేసేటప్పుడు ప్రారంభంలో Welcome స్క్రీన్ చూపించబడకుండా దాచి వేయబడాలంటే Start>Run కమాండ్ బాక్స్‌లో gpedit.msc అని టైప్ చేసి గ్రూప్ పాలసీ ఎడిటర్‌లోకి వెళ్ళి Computer Configuration>Administrative Templates>System>Logon అనే విభాగంలోకి వెళ్ళి కుడిచేతి వైపు Dont display the Getting Started welcome screen at logon అనే ఆప్షన్‌ని మౌస్‌తో డబుల్ క్లిక్ చేసి Enabled గా సెట్ చేయండి. ఇకపై వెల్‌కమ్ స్క్రీన్ చూపించబడదు.

27, మార్చి 2008, గురువారం

Lime Wire ఉపయోగించడం చాలా ఈజీ..


సాంగ్స్, ఫోటోలు, వీడియోలు.. వంటి ఏ కంటెంట్ నెట్‌వర్క్‌కి కనెక్ట్ అయి ఉన్న ఇతరుల సిస్టమ్‌లో ఉన్న వారి సిస్టమ్ నుండి నేరుగా మన సిస్టమ్‌లోకి డౌన్‌లోడ్ చేసుకోవడానికి LimeWire వంటి Peer-to-Peer ప్రోగ్రాములు అవకాశం కల్పిస్తాయి. దీన్ని డౌన్ లోడ్ చేసుకున్న వెంటనే మన సిస్టమ్‌లో ఒక ఫోల్డర్‌ని ఇతరులు యాక్సెస్ చెయ్యడానికి అనువుగా స్పెసిఫై చేయాలి. ఇక మనకు కావలసిన Typeని ఎంచుకుని Keyword టైప్ చేసి Search అనే బటన్ క్లిక్ చేసి కుడిచేతి వైపు వెదకబడిన తర్వాత లభించే ఫైళ్ళపై మౌస్‌తో రైట్ క్లిక్ చేసి Download అనే ఆప్షన్ ఎంచుకుంటే సరిపోతుంది. అయితే ఇలాంటి సాఫ్ట్ వేర్ల వల్ల అవతలి వ్యక్తుల సిస్టమ్‌లలో ఉన్న ఫైళ్ళతో పాటు వైరస్‌లు కూడా వచ్చేస్తాయి జాగ్రత్త.

PDF ఫైళ్ళుగా మార్చే ఫైర్ ఫాక్స్ Add-on


మనం ఇంటర్నెట్ బ్రౌజ్ చేస్తున్నప్పుడు ఆయా వెబ్ పేజీలను PDF ఫైళ్ళుగా కన్వర్ట్ చేయడానికి ప్రస్తుతం అనేక సాఫ్ట్ వేర్లు అందుబాటులో ఉన్నాయి. అయితే వాటన్నింటి పని తీరుకు భిన్నంగా పనిచేసే LOOP for FireFox అనే ఫైర్ ఫాక్స్ add-on విడుదల చేయబడింది. దీనిని ఇన్‌స్టాల్ చేసుకున్న తర్వాత మనం ఏదైనా వెబ్ పేజీని చూసేటప్పుడు Add URL అనే బటన్‌ని క్లిక్ చేసిన వెంటనే వెబ్ పేజీ PDF ఫైల్‌గా కన్వర్డ్ చేయబడుతుంది. ఒక ప్రక్క మనం వేరే సైట్లను బ్రౌజింగ్ చేసుకుంటూనే PDF ఫైళ్ళుగా కన్వర్ట్ చేయవలసిన వెబ్ పేజీల లింకుల్ని add చేసి పెడితే బ్యాక్ గ్రౌండ్‌లో అవన్నీ మనకు ఇబ్బంది కలిగించకుండా PDF ఫార్మేట్ లోకి కర్వర్ట్ చేయబడుతుంటాయి.

అన్ని ఫోన్లపై పని చేసే ఇన్‍స్టెంట్ మెసెంజర్



Nokia, Sony Erricsson, LG, Samsung వంటి అన్ని ప్రముఖ కంపెనీలకు చెందిన జావా సపోర్ట్ కలిగిన దాదాపు అని మోడల్ ఫోన్లపై పనిచేసే ఇన్‍స్టెంట్ మెసెంజర్ ప్రోగ్రామ్ ఒకటి ఉంది. అదే Nimbuz. ఈ ప్రోగ్రామ్‍ని ఫోన్‍లో ఇన్‍స్టాల్ చేసుకున్న తర్వాత మీ ఫోన్‍లో GPRS ద్వారా ఇంటర్నెట్ కనెక్షన్ లభిస్తుంటే Google Talk, Skype, AIM, Windows Live Messenger, ICQ వంటి వివిధ ఇన్‍స్టెంట్ మెసేజింగ్ సేవలను నేరుగా మీ ఫోన్‍లోనే యాక్సెస్ చేయవచ్చు. ఆయా సర్వీసులలో మీకు గల స్నేహితులకు ఇంటర్నెట్ ద్వారా ఉచితంగా కాల్ చేసి మాట్లాడుకోవచ్చు. ప్రస్తుతం Yahoo Messenger ని కూడా ఈ సాఫ్ట్ వేర్ సపోర్ట్ చేస్తుంది.