1, జనవరి 2008, మంగళవారం

ఓవర్ క్లాకింగ్ అంటే ఏమిటంటే..

మీరు ఓవర్ క్లాకింగ్ అనే పదాన్ని వినే ఉంటారు.. ఓవర్ క్లాకింగ్ అంటే ఏమిటో క్లుప్తంగా వివరిస్తాను! ప్రాసెసర్ నే ఉదాహరణగా తీసుకుని చెబుతాను.. ఇంటెల్ Core2Duo 1.82GHz ప్రాసెసర్ ఉందనుకుందాం మీ దగ్గర. వాస్తవానికి ఇంటెల్ సంస్థ ఆ ప్రాసెసర్ ని 2GHz సామర్థ్యంతో పనిచేసేలా రూపొందించి ఉంటుంది.. కానీ బాక్స్ పై మాత్రం 1.82GHz అనే ముద్రిస్తుంది.. కారణం ప్రాసెసర్ పూర్తి కెపాసిటీలో పనిచేయించినప్పుడు కొన్ని సమస్యలు ఉత్పన్నమయ్యే అవకాశముంటుంది. లాగే BIOSలోనూ 1.82GHz క్లాక్ స్పీడ్ లో మాత్రమే పనిచేసేలా సెట్ చేయబడి ఉంటుంది.. ఓవర్ క్లాకింగ్ అంటే మన స్వంత రిస్క్ మీద 2GHzలో పనిచేసేలా ఏర్పాటు చేసుకోవడం.. దీనివల్ల లాభం కన్నా నష్టమే ఎక్కువ ఉంటుంది. ప్రాసెసర్లు, గ్రాఫిక్ కార్డులు వంటి స్వంత ప్రాసెసింగ్ ఏర్పాట్లు కలిగిన అనేక హార్డ్ వేర్ పరికరాలు ఓవర్ క్లాక్ చేసుకోవచ్చు.. క్లాక్ స్పీడ్ ని గరిష్ట స్థాయికి పెంచుకోవడమే ఓవర్ క్లాకింగ్, ఇది క్షేమం కాదు.

కామెంట్‌లు లేవు: